Mag-uuma gipatay
-A A +AMonday, January 17, 2011
USA ka 35 anyos nga mag-uuma ang gipusil patay sa mga wa mailhing suspetsado didto sa Sitio Bantong, Barangay Asbang, lungsod sa Matanao, Davao del Sur, niadtong Dominggo.
Ang biktima, Juvy Manonag, ulitawo ug taga silingang dapit sa Sitio Inyam.
Sa inisyal nga imbestigasyon ni PO3 Raymos Alabata, nahiagom ang biktima og samad pinusilan sa walang bahin sa iyang lawas nga gituohan nga maoy iyang gikamatay.
Gisubay pa sa kapulisan ang kalibre sa armas nga gigamit sa pagpamusil ug di pa makapagawas og pahayag sa motibo sa krimen.
Samtang gihimo ang otopsiya sa patay'ng lawas sa biktima, gimando sab ni Senior Insp. Charlie Merca, hepe sa kapulisan, ang halapad nga manhunt operation batok mga suspek. (Dondon Dinoy)
Gipatik sa mantalaang SuperBalita Davao Enero 18, 2011.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
