Nakapatay sa bata di meningococcemia

ANG hepe sa Southern Philippines Medical Center Dr. Leopoldo Vega mihatag og kasiguruhan sa publiko nga wa nay angay kabalak-an pa ang katawhan labot sa sakit nga Meningococcemia nga mitay-og sa siyudad sa nakalabay nga adlaw. 

Sa Kapihan sa SM niadtong Lunes, gibutyag ni SPMC head nga di tinuod nga Meningococcemia ang gikamatay sa napulo ka bulan nga batang lalaki sa nakalabay nga semana.

"There's no need na to worry. Di na kinahanglan pa nga mabalaka ang mga tawo tungod ang gikamatyan sa bata is not meninggo. We have a series of test sa kanya and so far negative siya."

Sumala pa nga subay sa test gitawag og gram staining diagnosis nga gihimo nila negatibo ang maong bata sa virus nga nagdala sa maong matang sa sakit.

Ni Dr. Vega nga bisan og dili gyud meningo ang gikamatyan sa bata apan gihimo gihapon nila ang serye sa test aron sab mapakalma ang publiko nga naukay pag-ayo human makadungog sa maong report.

"The child arrived sa hospital mga 7:32 pm, after pila ka minuto namatay na siya. Almost dead na yung bata. May mga organs na siya na di na nagpa-function," niya pa.

Sumala pa nga bisan ang taxi nga gisakyan sa bata ug pamilya niini nga nagdala kaniya sa tambalan limpyuhan lang og maayo aron matangtang ang virus.

"Yung taxi, i-disinfect lang siya, palitan yung covers, linisin talaga ng maigi okey na."

Dugang sa doktor nga kun may meningococcemia gyud dinhi sa siyudad walay angay nga kabalak-an ang publiko tungod matambalan ang maong matang sa sakit basta sayo lamang kini nga ma-detect,
mahatagan og medikal nga atensiyon.

"Basta lang maaga siyang ma-detect, maagapan kaagad, no need to panic.

Pasabot sa doktor nga 'sporadic case' ra gyud ang meninggo tungod makatala lamang kini og usa ngadto sa duha ka kaso matag tuig.

"Mostly tinatamaan is yung mga bata ages 2-5 years old, lalo na yung medyo mahina ang sistema sa katawhan. That is why pag may maramdaman ng kakaiba sa katawan magpunta agad sa doktor. It doesnt mean na meningo na talaga yan or what, pero mas maiigi if you are checked by experts at least you will know your condition.

Sumala pa nga sagad simtomas niini mao ang hilanat, rashes sa lawas mag-alingasa ang paminaw.
ang Meningococcemia dala sa bacteria nga sagad magpuyo sa upper respiratory tract sa usa ka tawo nga in most cases walay ipakitang visible signs.

Ang bacteria mokatag pinaagi sa person to person subay sa respiratory droplets pinaagi sa iyang laway, pag-ubo ug pag-atsing. (ROG)