Pagpatay sa apo ni Andal gihimo sa mga otoridad
-A A +ASunday, October 17, 2010
NATUMBOK na sa mga otoridad ang grupo nga dunay kalabutan sa pag-ambush patay sa apo ni kanhing Maguindanao Governor Datu Andal Ampatuan Sr.
Gumikan niini gimugna ang Task Force Cliff Ampatuan nga maoy mututok sa imbestigasyon sa pagbanhig patay kang Datu Cliff Ampatuan sa Barangay Laguinding, Esperanza, Sultan Kudarat, niadtong Oktubre 13.
Samdan sab sa hitabo ang iyang asawa nga si Bai Normina, mga paryente nga sila Ali Omar ug Harris Gaya.
Sakay ang mga biktima sa Mitsubishi Lancer sa diha nga giatngan sila sa mga armadong lalaki ug gipamusil gamit ang kalibre .45 nga pistola alas 5:00 sa hapon.
Si Datu Cliff consultant ni Datu Abdullah Sangki Mayor Datu Akmad Sangki, nga iya sab bayaw.
Ang Task Force Cliff gilangkuban sa Criminal Investigation and Detection Group (CIDG) sa Davao Esperanza municipal police ug Provincial Public Safety Management Company.
Gikatahapan karon sa mga otoridad nga ang motibo sa pagpatay sa biktima mao ang personal nga away sa pamilya batok kang kanhi mayor Ali Camino sa Datu Abdullah Sangki. (Edgardo Fuerzas)
Gipatik sa mantalaang SuperBalita Davao Oktubre 18, 2010.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
