Sakop sa SCVO sikpaw sa pulis
-A A +ASaturday, October 16, 2010
USA ka miyembro sa Special Civilian Volunteer Organization (SCVO) ang nadakpan sa otoridad sa alas 12:20 sa udto niadtong Biyernes didto sa siyudad sa Cotabato.
Nailhan sa kapulisan ang suspek nga si Maktun Diluan, 40, minyo ug molupyo sa Datu Saudi Ampatuan, Maguindanao.
Sigun sa nahagpat nga taho gikan sa Cotabato City Police Office nasuta nga gironda sa hiniusang puwersa sa Regional Intelligence Division ug Regional Mobile Group sa Autonomous Region in Muslim Mindanao Provincial Police Office ang gitagoan ni Diluan didto sa Kakar Area, Barangay Rosary Hieghts 3 sa maong probinsiya.
Gumikan sa surprisang operasyon sa otoridad, walay nahimo ang suspek gawas sa pagtahan sa iyang kaugalingon.
Nakuha sa mga otoridad gikan sa posisyon sa suspek ang usa ka kalibre .45 nga pistola.
Si Diluan dunay patong sa ulo nga P250 mil sa diha nga gilambigit siya sa mangilngig nga masaker sa Sitio Masalay, Barangay Salman, Ampatuan, Maguindanao.
Gidakop ang suspek basi sa warrant of arrest nga giisyu ni Judge Jocelyn Solis Reyes gikan sa kaulohan.
Si Diluan maoy kabahin sa halos 200 ka mga suspek nga gilambigit sa masaker sa Maguindanao. (Edgardo Fuerzas)
Gipatik sa mantalaang SuperBalita Davao Oktubre 17, 2010.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
