Babaye gipatay

USA ka babaye ang gipusil patay sa alas 8:40 sa buntag niadtong Martes didto sa siyudad sa Cotabato.

Nailhan sa kapulisan ang biktima nga si Josephine Tumol Torres, 40, minyo, fish vendor ug molupyo sa Barangay Poblacion 6.

GITIGBAS

USA ka mag-uuma ang gitadtad sa iya mismong kainom human sila naglalis sa dihang nalango sa ilimnong makahubog.

Ang taho gikan sa Davao del Sur Provincial Police Office (DDSPPO) nagbutyag nga nahitabo ang insidente banda alas 4 sa hapon niadtong Lunes.

Karahay nisilaob, 3 angol

USA ka 2 anyos ug duha ka hamtong nasunog human misilaob ang usa ka karahay alas 11:35 sa buntag niadtong Lunes didto sa merkado publiko sa lungsod sa Padada, Davao del Sur.

Subay sa taho ni PO2 Palpio Tabigue Jr. sa Padada Police Office, usa ka stall nga gipanag-iya ni Ruben Maralit ang nasunog human ning-ulbo ang kaha nga may mantika.

Mananagat gitulis sa nagsakay og motor

MISIAW karon ang mga tulisan nga magsakay og motorsiklo nga ang modus operandi mao ang pagsunod sa ilang mga biktimahon dinhi sa siyudad sa Davao.

Labing uwahi nga ilang nabiktima mao ang usa ka mananagat nga nailhan sa pangalan nga Renato Delgado, 58, nagpuyo sa Salakot, Barangay Talomo Proper, ning siyudad.

Social services office nag-atiman na sa mga lumad

GISUGDAN na sa lokal nga kagamhanan ang pag-atiman sa mga Lumad nga milugsong dinhi sa patag aron mangayo og mga pinaskohan sa mga adunahan dinhi sa siyudad sa Davao.

Bilanggo mipuga sa Amas Provincial Jail

USA ka priso nga nag-atubang og kasong lugos mieskapo gikan sa Amas Provincial Jail sa alas 2:00 sa kaadlawon niadtong Dominggo sa siyudad sa Kidapawan.

Nailhan sa kapulisan ang biktima nga si Lito Amancio, 39, minyo ug molupyo sa Magpet, North Cotabato.

Kolektor gitulis, P18 mil natangag

USA ka kolektor kinsa nangihi ang gitulis sa duha ka wa mailhing mga suspetsado didto sa may Sitio Arrow, Bewach Townsite, Barangay Kingning, lungsod sa Pantukan, Comval Province Dominggo sa buntag.

Nailhan ang biktima nga mao si Alvin Ligankin, 32, collector sa St. Peter Life Plan, molupyo sa Don Luis Village, lungsod sa Mati, Davao Oriental.

4 nakuryentihan, 1 patay

USA ang patay ug tulo ang napaso human nakuryentihan sa usa ka tabo-tabo didto sa lungsod sa Laak, Comval Province, Dominggo sa udto.

Ang biktimang nakutloan sa iyang kinabuhi mao si Romel Gabi, hamtong ang panuigon, molupyo sa Barangay Busaon, siyudad sa Tagum.

Lalaki gidunggab, patay

LAING lalaki na sab ang gipatay sa mga wa mailhing mamumuno sa ala 1:00 kagahapon sa kaadlawon didto sa dalang Quirino, siyudad sa Davao.

Si PO3 Sherwin Arbania sa San Pedro Police Station nag-ila sa biktima nga usa ka alyas Boy, 5'1" ang gitas-on, hamtong ang pangidaron ug nagsul-ob og itom nga t-shirt.

NPA ug mga sundalo nagkasangka

SUBLING nagkasugat na sab ang dalan sa mga sakop 2nd Scout Ranger Battalion sa Philippine Army ug mga sakop sa New People's Army (NPA) nga miresulta sa kamatayon sa usa ka rebelde didto sa Barangay Tandik Maragusan, Compostela Valley Province niadtong Dominggo.

Si Lieutenant Colonel Medel Aguilar, spokesperson sa 10th Infantry Division sa Philippine Army, nagbutyag nga naglusad og security operations sa maong lugar ang mga sundalo aron panalipdan ang katawhan bahin sa padayong extortion activities sa rebelde apan girapido sila sa mga sakop NPA.

Pulis, protektor sa video karera machine operation

MIGUWA nga usa ka pulis ang gitudlong protektor sa video karera machine operation dinhi sa siyudad sa Davao, sigun ni Davao City Vice Mayor Rodrigo Duterte niadtong Dominggo.

Si Duterte nagbutyag nga siya ang mangunay og demanda sa maong pulis sa Office of the Ombudsman human niya madawat ang reklamo gikan sa nagpakabanang lungsuranon gikan sa Times Beach, siyudad sa Davao.

Militar di mokompiyansa, kabukiran bantayan

GIKUMPIRMA sa liderato sa 39th Infantry Battalion (IB) nga padayon gihapon ang ilang pagbantay sa kabukiran bisan kon magsugod na ang implementasyon sa Christmas truce kun ceasefire batok sa mga rebeldeng New People's Army (NPA).

Lalaki, patay sa bangga

USA ka lalaki ang namatay human mabangga ang iyang gimanehong motorsiklo sa laing motorsiklo didto sa dakbayan sa Digos.

Ang nidangat sa Medical Center of Digos Cooperative (MCDC) giila nga si Junelan Porquaido, taga Barangay Sinawilan, lungsod sa Matanao, Davao del Sur, nagmaneho sa usa ka kolor pula nga Honda XRM, nagbaton sa plakang YH-6095.

Nagmaneho og motor misirko

USA ka drayber patay human nabalintong ang iyang gisakyang motor didto sa may Barangay Magdum, siyudad sa Tagum, Sabado sa gabii.

Nailhan ang biktima nga mao sila Alfredo Alapag, 27, Country Homes, Barangay Mankilam, siyudad sa Tagum.

Amahan gipusil; 2 bulan anak pagan

USA ka amahan samdan ug napagan pa ang iyang duha ka bulan nga anak human sila gipusil sa wa mailhing mga suspetsado didto sa Sityo Bucana, Barangay Baybay Fuentes, lungsod sa Pantukan, Comval Province, Sabado sa gabii.

Ang biktima nailhan nga mao si Joel Capilitan, 29, molupyo sa susamang dapit.

CVO, MILF nagkasahay

USA ang patay ug pito ang naangol sa panag-engkwentro sa mga sakop sa Civilian Volunteers Organization (CVO) ug Moro Islamic Liberation Front alas 2:00 sa hapon niadtong Dominggo didto sa probinsiya sa Cotabato.

Sumala sa taho gikan 6th Infantry Division sa Philippine Army nga subling nag-abot ang mga armadong sakop sa CVO nga gipangulohan ni barangay chairman Jalandoni Acas sa Barangay Macabual, Pikit, batok sa grupo ni Rasid Asim, alyas Kumander Badboy, sa MILF, hinungdan nga nahitabo ang upat ka oras nga pinusilay sa duha ka grupo gamit ang mga tag-as nga matang sa armas.

Suspek pagpatay sa principal ilhan na

NAILHAN na sa otoridad ang mga suspek nga mipusil patay sa usa ka opisyal sa Department of Education (DepEd) didto sa probinsiya sa Maguindanao.

Nailhan sa kapulisan ang biktima nga si Shuaib Usop, District Supervisor sa DepEd-Maguindanao second district.

6 naangol sa bangga

UNOM ka mga tawo ang mitugpa sa tambalanan human nagkabangga ang tanker truck ug panel truck sa alas 4:35 sa kaadlawon kagahapon didto sa JP Laurel Avenue, siyudad sa Davao.

Naangol mao sila Reynaldo Trimotsa, 28; Diosdado Saludo, 55; Jason Dolorpino, 23; Elmer Perpiñan, 21; Rani Jay Delgado, 20; ug Rene Boy Saludo, 37.

2 lalaki gidunggab, hikabsan sa kinabuhi

PATAY ang duha ka mga lalaki human sila gipangluba sa wa mailhing mamumuno sa duha ka managlahing insidente dinhi sa siyudad sa Davao niadtong Biyernes.

Mga biktima mao sila Arnold Lagbang, 23, ulitawo, way tinong pinuy-anan dinhi sa siyudad ug Rogelio Malco Jr., alyas Payat, 28, driver ug nagpuyo sa Block 6, Purok 25, Times Beach, Barangay 76-A Bucana, ning siyudad.

Militar nagbatikos sa Selda

GIBATIKOS sa militar ang mga militanteng pundok nga Samahan ng mga Ex-Detainees Laban sa Detensyon at Aresto (Selda) Southern Mindanao Region human sila nanawagan sa gobyerno nga buhian ang tanang political prisoners sa nasud lakip na si Zaldy Cañete, alyas Ka Jinggoy.

"Are they human rights advocates to everybody? Or are they human rights advocates of Jinggoy and their comrades?" pangutana ni Lieutenant Colonel Medel Aguilar, spokesperson sa 10th Infantry Division sa Philippine Army, sa gihimong press conference kagahapon sa Tri-media Organization for Peace and Alliance in Mindanao (Tropa) Inc.

Suspek sa pagluba sa tanod gikiha na

PORMAL nga giduso sa kapulisan sa lungsod sa Malalag, Davao del Sur ang kasong frustrated homicide batok sa suspek nga lango sa ilimnong makahubog human nangluba.

Drayber nakit-ang wala nay kinabuhi

USA ka lalaking drayber ang nakapaukay sa mga lumolupyo sa Barangay Ticulon, sakop sa lungsod sa Malita, Davao del Sur human nga nabangalan nga wala nay kinabuhi daplin sa sapa.

Giila ang biktima nga mao si Joaman Tamboy Javellana, 33, minyo ug lumulopyo sa maong dapit.

Highway Patrol Group hugot ang kampanya

ANG buhatan sa Highway Patrol Group (HPG) sa Davao del Norte hugot ang kampanya karon batok sa mga malapasong driver sa balaod trapiko.

Niadtong miaging semana, usa ka hiniusang operation ang gilusad sa mga sakop sa HPG ug Kapalong Municipal Police Station sa Poblacion nga bahin sa maong lungsod.

Nahug sa sakyanan, patay

USA ka mag-uuma ang hikabsan sa kinabuhi human siya nahug sa depasaherong dyip nga iyang gisakyan sa alas 10:00 sa buntag niadtong Biyernes didto sa probinsiya sa Cotabato.

Giila ang biktima nga si Abdullah Kiao, 48, minyo ug molupyo sa Barangay New Pagangan, Aleosan sa maong probinsiya.

Ulitawo naglakaw giatngan, gipusil

USA ka batan-on ang gipusil patay mga alas 11:00 sa gabii niadtong Biyernes didto sa siyudad sa Cotabato.

Nailhan sa kapulisan ang biktima nga si Chito Ayunan, 19, ulitawo ug molupyo sa Mother Barangay Bagua sa maong siyudad.

4 gitipi

UPAT ka mga tawo ang sunod-sunod nga gipamatay sa wa mailhing mamumuno sa managlahing lugar dinhi sa siyudad sa Davao.

Sa tanang biktima, usa kanila ang gipusil samtang tulo ang giluba sa mga tawo nga nagsakay og motorsiklo dihang gihimo ang krimen.

2 tulisan gihanaan og dunggab mikakak

WA MILAMPUS ang duha ka mga tulisan sa pagtulis sa drayber ug konduktor sa public utility jeepney dihang gihanaan sila pagdunggab sa konduktor alas 9:00 sa gabii niadtong Huwebes.

Mga tulisan nalisang sa konduktor bisan pa man sila armado og wa matino nga kalibre sa armas, sigun ni Niño Saron, 23, drayber ug nagpuyo sa Purok 3, Bago Gallera, siyudad sa Davao.

AKD mobabag sa demolisyon

ANG Kalipunan ng Damayang Mahihirap (Kadamay) nangulo karon sa usa ka alyansa sa nagkadaiyang urban poor associations nga ginganlan og Alyansa Kontra Demolition (AKD) aron babagan ang demolisyon sa mga urban poor communities ug hagiton ang gobyerno nga hatagan og igong suporta ug sosyal nga serbisyo ang mga apektadong pamilya.

Piliay sa SK federation wala pasudli og media

ANG Department of the Interior and Local Government (DILG) sa dakbayan sa Digos wa nagpasulod og bisan usa ka sakop sa media atol sa eleksiyon sa Sangguniang Kabataan (SK) federation.

Lalaki nakit-ang patay

USA ka lalaki kinsa gituohang naghikog ang nakit-an na lamang nga wa nay kinabuhi sa sagbutang bahin didto sa Sitio Lantawan, Barangay Astorga, lungsod sa Sta. Cruz, Davao del Sur.

Naukay ang mga lumolupyo sa lugar banda alas 7 sa buntag niadtong Huwebes human makit-i nga patay na ang biktima.