Merto, Amper pasidunggan

Sunday, July 17, 2011

PASIDUNGGAN sila Palarong Pambansa gold medalist Bill Amper ug POC-PSC Philippine National Games gold medal winner Melanie Merto isip 'outstanding arnis athletes' sa 17th So Kim Cheng Sports Awards Night karong Hulyo 22 didto sa Pantawan Hall, Pagcor, Grand Regal Hotel.
Makauban sab nila Amper ug Merto sila chess Austin Jacob Literatus ug candidate woman master (CWM) Irish Yngayo, kinsa bag-ohay lang nakigtigi sa 12th Asean+ Age-Group Chess Championships sa Takaran, Indonesia.

Si Literatus, kinsang SKC male athlete of the year niadtong 2009, nakakuha og team gold medal ug duha ka team bronze medals sa boys 14-under samtang ang otso anyos nga si Yngayo nakakuha og usa ka individual silver, tulo ka team bronze medals ug duha ka laing individual bronzes sa girls eight years old ug under event sa usa ka Asean event.

Have something to report? Tell us in text, photos or videos.

Laing pasidunggan sab ang mga atleta nga sila Anthony Nerza sa Brokenshire College ug Meezel Cabreros (athletics), Christopher Gavia ug Karen Cantaluna (basketball), Diane Cortez (baseball little league), Eliaquim Balbero (bodybuilding), Romeo Manlubatan (duckpin bowling), Ray Snyder and Geromae Roldan (judo); Jhon Albert Albarico and Carmela Marie Estarija (karatedo), Brokenshire's Mark Anthony Alcoseba ug Eloisa Collo (tennis), Brian Alric Panganiban ug Shenna Mai Ayuban (swimming) ug Mirabel Roferos (table tennis).

Hatagan sab og pasidungog sila Steve Grandeza, kinsa World Kickboxing welterweight division champion karon ug si University of Mindanao (UM) women's basketball coach Crisanthemum "Ining" Sarabia, kinsang nangulo sa Rehiyon 11 sa championship sa National Prisaa Collegiate Games sa siyudad Zamboanga.

Samtang tagaan sab og pasidungog ang Davao Region's Palarong Pambansa girls basketball champion team, National Prisaa basketball women's team, National Prisaa sepak takraw men's team, men's and women's beach volleyball teams ug women's table tennis team.

Si Davao City Mayor Inday Sara Duterte ang mangulo sa paghatag og mga 'plaques of appreciation' sa matag-tuig nga awards isip paghinumdum sab sa adlaw'ng natawhan ni kanhi sports patron So Kim Cheng sa maong adlaw. (MLSA)