Donaire sunod nga Pacman?

Monday, February 6, 2012

DAGHANG boxing experts ug analysts ang mibilib sa gipakitang away sa bag-ong four-division world champion nga si Nonito "The Filipino Flash" Donaire Jr.

Kini luyo sa nahiaguman nga samad sa kamot sa Pinoy champion.

Have something to report? Tell us in text, photos or videos.

Giingon nga si Donaire na karon ang mosunod sa tunob ni WBO welterweight champion Manny Pacquiao.

Nasayran nga si Donaire mao ang ikalima sa pound-for-pound list kon diin si Pacquiao mao ang nanguna.

Alang kang Pacquiao nalipay siya nga dunay misunod kaniya. Nalipay sab siya sa nahimong kalampusan ni Donaire nga naghatag og bag-ong dungog sa nasud.

Una pa ang away, nahimong diskusyon sa pipila ka boxing writers nga moabot ang panahon nga mas mosikat pa og maayo Donaire itandi kang Pacquiao ug Floyd Mayweather Jr. ilabina na nga nag-edad pa lang siya og 29 anyos.

Di sab imposible nga moabot sa unom hangtud pito ka titulo ang iyang maangkon sa nagkadaiyang dibisyon.

Kahinumdoman nga gipildi ni Donaire ang kanhi world champion nga si Wilfredo Vazquez Jr pinaagi sa split decision niadtong Dominggo.

Gipahayag ni Donaire nga sa panahon nga maayo na ang iyang kamot posibleng sunod niyang makalaban si Jorge Arce.