Pacquiao daug vs Bradley sa WBO rescoring
-A A +AThursday, June 21, 2012
GIHUMAN na sa World Boxing Organization (WBO) ang ilang imbestigasyon sa kontrobersiyal nga split decision win ni welterweight champion Timothy Bradley Jr. kang 8-division world champion Manny Pacquiao.
Gihimo sa WBO ang pag-iimbestiga human sa batikos nga nakuha sa duruha sa tulo ka hurado sa Pacquiao-Bradley fight.
Sa gipagawas nga rescoring sa five-man panel sa WBO human gitan-aw ang video tape sa Pacquiao-Bradley bout, landslide victory ang gihatag sa Pinoy boxing champion.
Ang mga iskor anaa sa 115-111, 116-112, 117-111, 118-110, 117-111 diin walo ka rounds nga midaug si Pacman.
Apan ang maong resulta sa scoring di na makabaliktad sa hukom tungod ang Nevada State Athletic Commission ang dunay katungod nga modesisyon sa kontrobersiyal nga away.
Ang WBO, usa sa mga prestihiyusong boxing body sa kalibutan.
Gipatik sa mantalaang SuperBalita Davao Hunyo 22, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
