Literatus nanguna sa 2nd round
-A A +AThursday, June 28, 2012
ANG pambato sa Dabaw ug Pilipinas nga bag-ong Fide Master (FM) Austin Jacob Literatus nagpabiling nanguna sa boys under-16 kauban ang laing upat human ang 2nd round sa nagapadayong Asian Youth Chess Championship 2012 sa Hotel Chaya, Hikkaduwa sa Sri Lanka.
Ang 15th-seeded Literatus, estudyante sa Doña Carmen Denia National High School sa Toril, gipildi ang fourth-seed Ayan Akhmetov ug 14th-seed Chingiz Serikbay sa Kazahkstan una ug ikaduhang round sa maong han-ay.
Si Literatus kinsa nakakuha og 3 ka bulawang medalya ug 2 ka plata sa 13th Asean+ Age-Group Chess Championships sa Hue City, Vietnam makalaban karon ang second-seed India player S L Narayanan.
Samtang sila Narayanan ug Indian FM Girish Koushik, Mongolia's Lkhagvasuren Tsedvee ug Vietnam FM Le Tuan Minh nagpabilin way pildi sa Swiss System format competition.
Si National Chess Federation of the Philippines regional director James Infiesto miingon nga dako ang iyang pagsalig makadaug si Literatus sa maong torneyo. (MLSA)
Gipatik sa mantalaang SuperBalita Davao Hunyo 29, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
