Donaire mibiyahe na sa California
-A A +AWednesday, July 4, 2012
DUHA ka adlaw una ang iyang unification bout, mitak-ang sa workout sa Manhattan Beach si WBO junior featherweight champion Nonito "The Filipino Flash" Donaire Jr.
Kagahapon, mibiyahe na si Nonito Jr padulong Carson, California aron mangandam sa away batok kang IBF champion Jeffery "Marvelous Mongoose" Mathebula sa South Africa.
Sa nakalabay nga pila ka bulan nga training sa Filipino Flash, mas habog nga mga sparring partners ang gikalaban niya aron makondisyon kang Mathebula.
Nagpagawas na sab ug bag-ong pusta ang boxing observers diin anaa sa -360 si Donaire samtang +290 ang South African boxer.
Nagpasabot nga ang pustang $360 kang Donaire modaug ug $100 samtang ang $100 nga taya kang Mathebula makadawat ug $290.
Ang Donaire-Mathebula masaksihan karong Dominggo sa Home Depot Center sa Carson, California.
Gipatik sa mantalaang SuperBalita Davao Hulyo 05, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
