Forbes: Pacquiao, ika-16 sa pinakadatu nga celebrities
-A A +AWednesday, July 11, 2012
SULOD si Sarangani Representative Manny “Pacman” Pacquiao sa listahan sa pinakadatu nga celebrities sa Forbes karong tuig 2012.
Anaa sa ika-16 si Pacman human miabot sa kinatibuk-ang $67 milyon ang iyang gikita niadtong milabay nga tuig.
Kini human sa iyang blockbuster fights batok kang Sugar Shane Mosley, Juan Manuel Marquez, ug Timothey Bradley.
Nakadugang sab sa pagkadatu ni Pacman ang daghang mga indorsements.
Tungod niini, lakip sa mga nalabwan ni Pacquiao mao sila US business mogul Donald Trump nga dunay $63 milyon, American Idol host Ryan Seacrest nga $59 milyon, Britney Spears nga $58 milyon ug bisan si Justin Bieber nga mikita og $55 milyon.
Nanguna sab sa listahan si Oprah Winfrey nga mikita og $165 milyon.
Gipatik sa mantalaang SuperBalita Davao Hulyo 12, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
