Quarters sa 3rd RMC Cup tigian karong Sabado
-A A +AWednesday, July 25, 2012
TIGIAN karong Sabado ang quarterfinals sa cadets division sa 3rd Royal Mandaya Cup Inter-School Basketball Tournament didto sa Genesis 88 Gym.
Kini ang pahayag ni tournament manager Jek-Jek Melendrez atol sa Davao Sportswriters Association (DSA) Forum didto sa Tower Inn niadtong Martes.
Sigun ni Melendrez ang mga moduwa sa quarters mao ang Ateneo de Davao University (Addu), Assumption College of Davao (ACD), Holy Child School of Davao (HCSD), Ford Academy of the Arts (Ford), Agro-Industrial Foundation College of the Philippines (AIFCP), University of the Immaculate Concepcion (UIC), Emar Learning Center (Emar), ug Saint Peter College of Toril (SPCT).
Samtang ang semi-finals sa mini division, magkontra ang HCSD ug Addu ug ang sunod nga mag-atbang ang ACD ug UIC.
Dugang ni Melendrez nga usa ka pares sa Nike Zoom Kevin Durant nga sapatos ang ipa-raffle sa mga magduduwa samtang ang supporters ug bisita duna say dawaton nga freebies gikan sa Royal Mandaya Hotel.
Ang torneyo gitugotan sa Samahang Basketbol ng Pilipinas (SBP) ubos ni Mindanao Region B director Regino "Boy" Cua. (MSR)
Gipatik sa mantalaang SuperBalita Davao Hulyo 26, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
