Team France gitambakan
-A A +AMonday, July 30, 2012
SAMA sa gilauman, nagpakitang gilas ang USA basketball team aron depensahan ang ilang Olympic gold medal sa nagapadayong London Olympics games.
Gilampaso sa NBA stars ang France sa ilang opening game niadtong Dominggo sa gabii sa iskor nga 98-71.
Nindot nga kadaugan matud pa kini alang sa USA tungod personal nga mitan-aw si US First Lady Michelle Obama.
Nanguna sa kadaugan sa NBA stars si Oklahoma City Thunder star player Kevin Durant sa iyang 22 puntos ug 9 rebounds.
"It's exciting, man," ni Durant. "This is my first Olympic Game, and this is all about playing together."
Nahimong dikit pa ang away sa first quarter apan kalit na lang dako ang lamang sa USA team tungod sa nindot nga shooting performances nila Miami Heat superstar ug NBA MVP LeBron James, LA Lakers star Kobe Bryant, ug Kevin Love sa Minnesota Timberwolves.
Sa bahin sa France, mi-iskor og 12 puntos si Ali Traore ug San Antonio Spurs point guard Tony Parker nga dunay 10 puntos.
Sunod nga makalaban sa USA basketball team ang Tunisia samtang ang France makakontra ang kanhi Olympic gold medalist Argentina.
Gipatik sa mantalaang SuperBalita Davao Hulyo 31, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
