Inter-public school basketball: DRANHS, DCDNHS moduwa sa semis
-A A +ASunday, August 12, 2012
ANG Daniel R. Aguinaldo National High School (DRANHS) ug Doña Carmen Denia National High School (DCDNHS) moduwa sa semifinals human gipildi ang ilang tagsa ka kalaban sa Mayor Inday Sara Vice Mayor Rody Duterte Inter-Public Basketball Tournament didto sa DRANHS covered court niadtong Sabado.
Ubos ni Coach Ronnie Berato sa DRANHS, gidominar ang Mabini National High School, 81-39.
Nanguna ang DRANHS sa Bracket B nga dunay rekord nga lima ka daug ug way pildi.
Sila Kenneth Jay Rizane ug Alfred Omega mitala og parehong 14 puntos alang sa DRANHS.
Makalaban sa DRANHS ang Davao City National High School sa Ateneo de Davao University sports complex.
Samtang gipalukapa sa DCDNHS ang Don Enrique Bustamante National High School, 71-39, aron mohari sa Bracket A.
Ang maong torneyo gitugutan sa Samahang Basketbol ng Pilipinas (SBP) ubos ni Mindanao Region B director Regino "Boy" Cua. (Marizz S. Robilla)
Gipatik sa mantalaang SuperBalita Davao Agosto 13, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
