Cero nagkampeyon sa Kadayawan Billiard Tournament
-A A +AMonday, August 20, 2012
NAGKAMPEYON ang pambato sa Dabaw nga si Darwin Cero sa Kadayawan Festival 2012 9-Ball Billiard Tournament didto sa Jan Carlo Billiard Hall sa dalang Claveria ning siyudad niadtong Dominggo.
Gipildi sa taga-Piapi Boulevard nga si Cero, 9-4, ang taga-Luzon nga nagpuyo na karon dinhi sa siyudad nga si Freddie Garcia.
Nabulsa ni Cero ang P20,000 samtang nadawat ni Garcia ang P10,000.
Sayo niini, sa semis gipalukapa ni Cero si Arnold Caro, taga-Tacurong sa iskor nga 7-2 ug gilampaso ni Garcia si Dabawenyo Alex Villadores, 7-3
hinungdan nagkontra sila Villadores ug Caro alang sa ikatulong pwesto. Apan midaug si Villadores sa iskor 7-6 ug nadawat niya ang P5,000 samtang nakuha ni Caro ang P3,000 alang sa ikaupat nga pwesto.
Miabot sa 75 ka partisipante ang nagtigi sa maong kompetisyon nga gitugotan sa Davao Billiards Association, Inc. (DBAI) ug gipaluyohan sa Sports Development Division of the City Mayor's Office (SDD-CMO) ubos ni officer-in-charge Pocholo M. Elegino. (Marizz S. Robilla)
Gipatik sa mantalaang SuperBalita Davao Agosto 21, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
