Medalya, P2M alang sa Olympic gold winner

SI SENATOR Miriam Defensor-Santiago nagsugyot karon nga paghatag og medalya, lakip na P2 million alang sa atleta nga makabitbit og bulawang medalya sa Olympics, makahatag og dungog sa nasud.

Mao kini ang sugyot nga unod sa Senate Bill 3248, nga tubag ni Santiago sa samang sugyot balaudnon nga giduso ni Pwersa ng Bayaning Atleta party-list Rep. Mark Aeron Sambar.

Ang gisugyot sa senador usa lamang sa inisyatiba sa senado aron mapalambo pa ang performance sa nasud may kalabutan sa paugnat sa kusog.

Si Senate committee on amateur sports competitiveness chairman Antonio Trillanes IV mipasar sab og resolusyon nga nanawagan alang sa imbestigasyon labot sa di maayong performance sa mga atleta sa nasud sa Summer Olympics sa London ug Southeast Asian Games sa Indonesia.

Kung ang lakang ni Trillanes nagtumong nga matuki ang suliran, ang gihimo sab ni Santiag mohatag og pagdasig sa mga atleta nga magbansay og maayo tungod sa cash incentive nga madawat nila.

"The state of Philippine sports was not always this bad. The Philippines placed second in the 1954 and 1958 Asian Games. In the 2010 Asian Games, however, the country only managed to come in at 19th place, one spot worse than its 18th place showing in 2006" ni Santiago.

"There is still a lot of room for improvement in the 2012 Olympic Games in London. The Philippines is a country with a population of 97 million (12th most populous in the world) but has been consistent in sending a very small delegation. The 1928 contingent in Amsterdam consisted of four athletes," dugang niya.

Ilawom sa Santiago bill kinsa mang atleta nga makadaug og gold medal sa Olympics hatagan og Olympic Gold Medal of Valor sa Philippine Sports Commission.

Duna say cash incentive nga P2 million sa gold medalist.

"It is a small token but it is a symbol of the appreciation of the country for the honor and prestige that will go with the achievement," pung sa senador.