Kontrata sa Marquez-Pacquiao Part IV lagdaaan na
-A A +AFriday, September 14, 2012
HUMAN ang pipila ka adlaw nga espekulasyon, dayon na gyud ang Part IV sa Juan Manuel Marquez ug Manny Pacquiao fight nga himuon sa Disyembre 8.
Gikompirma sa Canadian adviser ni Pacman nga si Michael Koncz, nga mas gipili ni Pacquiao si Marquez kaysa sa rematch kang WBO welterweight champion Timothy Bradley Jr.
Sa pagkakaron, gihapsay na lang ang pipila ka detalye sa fight contract una kini ipahayag sa sunod semana sa usa ka press conference.
Dugang pa ni Koncz, misugot sab matud pa si Pacman nga himuon ang tanang training sa Wild Card gym ni Freddie Roach sa Los Angeles.
Sa bahin sab ni Top Rank Promotions CEO Bob Arum, basin sa sunod semana na himuon ang contract signing.
Tipik niini, nakatakdang molupad padulong sa Amerika si Pacquiao karong adlawa alang sa usa ka show.
Kahinumdoman, sa tulo ka higayon nga nagkontra sila Pacquiao ug Marquez, tanan nahimong kontrobersiyal ang resulta.
Ang unang away nahimong tabla luyo sa tulo ka higayon nga pagkatumba ni Marquez samtang ikaduha ug ikatulo daug si Pacquiao.
Gipatik sa mantalaang SuperBalita Davao Septembre 15, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
