Floyd Mayweather Jr: Nagbag-o na ko
-A A +ASunday, September 16, 2012
GIANGKON sa kontrobersyal nga si Floyd Mayweather Jr. nga dako ang iyang kabag-uhan human ang 70 ka adlaw nga pagkakulong.
Matud ni Mayweather, wala na siyay maingon nga bisan unsang negatibo ni bisan kinsa man.
Di na sab niya gusto batikuson si Manny Pacquiao.
Sa pagkakaron, wish niya ang “best” alang kang Pacman.
"I have nothing negative to say about Manny Pacquiao or no one. I wish Manny Pacquiao nothing but the best."
Kung kahinumdoman, gikasuhan ni Pacquiao si Mayweather tungod sa pagpangdaut nga nagagamit kini og performance enhancing drugs.
Sa gipangayo sa mga fans sa kalibutan nga mag-atbang na sila, ang gisulti lang ni Mayweather nga kung di madayon kini, wala na siyay mahimo.
Ning kasamtangan, wala pa sa iyang hunahuna nga moaway og balik ug gitutokan niya karon mao ang paglipay-lipay una.
Mamahimong busy na sab siya sa iyang Mayweather Promotions nga nagmintinar og maayong mga boksingero.
Gipatik sa mantalaang SuperBalita Davao Septembre 17, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
