Horse Show nagpanikad na
-A A +AThursday, October 4, 2012
ANDAM na ang ang 14th Horse Show Competition nga masaksihan kaeong Oktubre 19 hangtod 21 sa duha ka managlahing lugar sa dakbayan sa Davao.
Ang una sa tulo ka adlaw nga kompetisyon himuon sa pinaka-unang race track sa dakbayan nga gipanag- iyahan sa pamilyang Floirendo nga nahimutang sa Marapangi, Toril ning dakbayan.
Samtang ang barrel racing ug obstacle course pagbuhaton sa Riverfront Corporate City sa Diversion Road, Maa.
Ang maong oval race track adunay tulo ka mga klasipikasyon nga A, B ug C.
Ang class A langkuban sa mga kabayo nga dunay gitas-ong 58 pulgadas pataas, samtang ang class B alang sa mga kabayo nga dunay gitas-ong 55-58 pulgadas ug ang class C alang sa mga kabayong anaa sa 54 pulgadas ang gitas-on.
Langkuban ang kompetisyon sa mga entrante gikan sa Manila, Cebu City, Cagayan de Oro City, Bohol ug Bacolod City.
Dunay madawat nga kwarta ug tropeyo ang mga mananaug sa maong kompetisyon. (Blue Cordero)
Gipatik sa mantalaang SuperBalita Davao Oktubre 05, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
