HCDC, Addu nakasungkit og titulo
-A A +AMonday, October 8, 2012
NAKASUNGKIT og titulo ang Holy Cross of Davao College (HCDC) Crusaders ug Ateneo de Davao University (Addu) Blue Knights sa ilang tagsa ka dibisyon sa Davao Association of Colleges and Schools (Dacs) Collegiate Sportsfest 2012 basketball didto sa San Pedro College (SPC) Gym.
Gipildi sa Crusaders ang University of the Immaculate Conception (UIC) sa iskor 86-82 aron mohari sa Division A.
Si Lloyd Lacida ang nanguna sa HCDC nga dunay 18 puntos samtang midugang si Francis Espiritu og 13.
Samtang sa Blue Knights gilukapa ang John Paul II College of Davao (JPIICD) Saints, 87-65 aron makuha ang korona sa Division B.
Mi-iskor og 25 puntos si Paulo Dailisan alang sa Addu scored lakip na ang lima ka three-points.
Sa babaye, nakuha na sab sa HCDC ang ikaduhang titulo human giyakbo ang SPC, 73-52 sa kampeyonato.
Ang kampeyon sa matag dibisyon ang maoy mopresenta sa Dabaw sa Dacs Regional Meet karong Nobyembre. (Marizz S. Robilla)
Gipatik sa mantalaang SuperBalita Davao Oktubre 09, 2012.
Isports
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
