Duterte-CMO mitala og ika-12 daug | SunStar

Duterte-CMO mitala og ika-12 daug

Time to read
less than
1 minute
Read so far

Duterte-CMO mitala og ika-12 daug

Sunday, September 03, 2017

ANG Team Duterte-CMO mitala og ika-12th daug batok Integrated Bar of the Philippines (IBP) sa iskor 86-78 niadtong milabay nga semana sa ilang basketball friendly series sa Genesis 88 Gym.

Ang maong kadaugan nagpabilin nga way pildi sa Team Duterte-CMO sa 14 ka duwa human ang games 7 ug 10 nga nadala sa tabla.

Si Secretary Christopher Go mi-iskor og 29 puntos aron manguna sa Team Duterte-CMO.

Ang sweet-shooting special assistant to President Rodrigo Duterte milabay og pito ka tres ug mitabang sa iyang teammates aron makuha ang sagunsong ika-upat nga daug.

Sila Glenn Escandor ug John Flores may kombinasyon nga 18 puntos aron matabangan ang Team Duterte-CMO.

Samtang ang IBP wala sab nagpalupig human ang lima ka magduduwa mihimo og double digits.

Apan ang maong lamang wala makaalsa sa daug alang sa Davao lawyers kinsa nagpabilin nga way daug sa serye.

Si Armand Dioso ang nanguna nga mitala og 19 samtang midugang si Chok Cadiogan og 15.

Ang pagdaug sa Team Duterte-CMO human sa deadlock game sa IBP-Bulacan.

Ang IBP-Bulacan, ang maoy national IBP league champions, mibisita sa Davao ug nakigtigi sa Team Duterte-CMO nga nahulog sa 75-all draw. (Rico Jhone Biliran)

Gipatik sa mantalaang Superbalita Davao Septembre 04, 2017.

View Comments