Durians kampeyon sa FatBoy 10s Rugby Tournament | SunStar

Durians kampeyon sa FatBoy 10s Rugby Tournament

Time to read
less than
1 minute
Read so far

Durians kampeyon sa FatBoy 10s Rugby Tournament

Monday, September 11, 2017

DAVAO. Ang Davao Durians nagpahulagway human mihari sa 14th FatBoy 10s Rugby Tournament niadtong Sabado didto sa Clark Airbase, Angeles City, Pampanga. (Contributed Photo)

ANG Davao Durians Rugby Football Club (DDRFC) malampuson nadepensahan ang titulo human nahimong back-to-back champions sa 14th FatBoy 10s Rugby Tournament sa Clark Airbase, Angeles City, Pampanga, niadtong Sabado, Septembre 9.

Ang defending champion DDRFC milampaso, 21-7, sa Hong Kong Football Club Expendables sa Shield Division championship round human una giirok ang, 19-0 Pot Bellied Pigs sa semi-finals sa kompetisyon nga may internasyonal ug nasyonal tims.

Niadtong milabay nga tuig, ang DDRFC midaug kontra Kowloon Baba Piggies, 5-0, ug gidedikasyon ang daug sa mga biktima sa Roxas bombing incident nga nahitabo sa kaparehong bulan.

Ang tim gidulaan nila playing coach Hilton Soberano and team captain LeAllen Lara, Daryl Ross Lomosbog, Anthony Ronquillo, James Mark Sarona, Uldarico Bande Jr., Alexander Dalhog, Jan-Lawrence Olaco, Greg Doringo, Ronnel Marko Nabor, Ruel John Halasan, Raphael Carlo Mancha, Bernard Batulan ug Chicco Ricamora kauban si player-manager Rex Louie Pilongo.

Nagpasalamat sab ang Durians sa Pot Bellied Pigs Rugby Football Club Hongkong, SOS Children's Village Davao, Mindanao Rugby Football Devt Inc., Tsunami Sports, City Government of Davao ug SunStar Davao sa padayon nga pagsuporta kanila.

Gipatik sa mantalaang Superbalita Davao Septembre 12, 2017.

View Comments