ACD Warriors daug vs AdDU Blue Knights | SunStar

ACD Warriors daug vs AdDU Blue Knights

Time to read
1 minute
Read so far

ACD Warriors daug vs AdDU Blue Knights

Tuesday, September 12, 2017

NAANGKON og balik sa Assumption College of Davao (ACD) Warriors ang nawala nilang dungog sa Davao Association of Catholic Schools (Dacs) human miposte og 95-68 nga kadaugan batok sa defending ug arch-rival nga Ateneo de Davao University (AdDU) Blue Knights sa bag-o pa nga nahuman nga Sports Festival High School Basketball Tournament gihimo didto sa Philippine Women's College (PWC) basketball gym sa Juna Subdivision, siyudad sa Davao.

Ang gigiyahan ni Coach Rolando Sancho nga ACD misalig sa maayong kemistri ug kahanas nila ni BJ Sumugat, Leonard Salvame, Aaron James Royo, Krinz Penion, Alejandre Positos, Cris Vistal, Jory Velarde, Jones Zambano, Reuben Diuyan, Ezekiel Olubalang, Gabriel Lazarraga, Paul Malano, Carl Gudmalin, Aaron Lapating ug Austene Talisayan.

Sa milabay nga tuig, ang Warriors gitagak sa Blue Knights human mihari sa tinuig nga torneyo sa mga milabay nga mga katuigan.

Ang Warriors mipakita og kalig-on gikan niadtong pagkatagak ug mibangon aron nga maila ang titulo sa Dacs.

"To be honest, the credit goes to the players. Kasi they dont want to lose and I just told the boys to respect every opponent specially Ateneo kasi proven na ang fighting spirit nila," matud ni Sancho.

Sa pag-abante sa tim ngadto sa Davao City Athletic Association meet, milaum si Sancho nga makakuha og kusog gikan sa mga magduduwa sa Addu nga sila si 2017 Palarong Pambansa player Marione Angeles, Christian Bacalso, Joachim Weill, Kenneth Batilo ug Andre Nebria.

"I'm very positive na pwd makarating sa Davraa (Davao Regional Athletic Association) ang Dacs unit pag magtulungan at magsuportahan and isa't isa. If we could play as one cohesive unit, I thing pwd mangyari," dugang ni Sancho.

Gipatik sa mantalaang Superbalita Davao Septembre 13, 2017.

View Comments