5th Nutrilite Health Run sa Oktubre 29 | SunStar

5th Nutrilite Health Run sa Oktubre 29

Time to read
1 minute
Read so far

5th Nutrilite Health Run sa Oktubre 29

Wednesday, September 13, 2017

DAVAO. Si product manager of Amway Philippines Mia Jamisola midetalye sa 5th edition sa tinuig nga Nutrilite Health Run karong Oktubre 29 didto sa SM City Davao sa Ecoland atol sa press conference didto sa Amway Davao kagahapon. (Seth delos Reyes)

SA PAGSELEBRAR sa ika-20 anibersaryo, Nurtrilite, world's number one selling vitamins ug dietary supplements brand, mophigayon og 5th Nutrilite Health Run karong Oktubre 29 didto sa SM City Davao sa Ecoland.

Si Product manager of Amway Philippines Mia Jamisola sa press conference sa Amway Davao kagahapon miingon nga ang 5th edition sa matag tuig nga lumba mohatag og mas daghang surprisa ug premyo nga kabahin sa selebrasyon.

"We've been doing this event in Davao City for the past four years as we aim to achieve an optimal health through run," ni Jamisola samtang mipahibawo nga dunay bag-ong kalingawan karong tuiga alang sa mga partisipante.

Duna sab silay gidugang nga 21 kilometro nga kategorya isip "21st anniversary celebration" samtang ang laing kategorya mao ang 1k, 5k ug 10k.

Dugang ni Jamisola nga ang matigum nga kuwarta ihatag sa usa ka eskuwelahan sa Davao nga gilaumang moabot sa 2,800 ang moapil.

"We will be providing books and make libraries for Lacson Elementary School which was endorsed by (DepEd) Department of Education, same as what we are doing in Makati City, Cagayan de Oro City, Cebu City, Pangasinan City, Mandaluyong City and Mnaila," dugang niya.

Bahin ni Race coordinator Kenneth Sai, miingon nga matag kategorya magsugod sa SM City Davao Ecoland Parking Lot.

Matud ni Said nga ang 1k event motuyok sa One Oasis Eco West samtang ang 5k event sa South Grove Quimpo Boulevard dayon ang 10k sa Save More Bangkal ug 21k event sa Dumoy dayon balik sa lugar nga gisugdan.

Mga modaug sa 21k hatagan og P20,000 samtang sa 10k makadawat og P10,000.

Ang rehistrasyon mahuman hangtud Oktubre 13 sa tanang Amway Distribution Centers o online through amway.com.ph o runrio.com.

Puwede sab sa in-store registration sa Adidas Gaisano Mall Davao sa Septyembre 15.

Ang registration fees sa 1k, 5k ug 10k nagkantidad og P250 samtang P850 sa 21k event.

Gipatik sa mantalaang Superbalita Davao Septembre 14, 2017.

View Comments