Paralympics medalist guest speaker sa MPG forum | SunStar

Paralympics medalist guest speaker sa MPG forum

Time to read
less than
1 minute
Read so far

Paralympics medalist guest speaker sa MPG forum

Friday, October 06, 2017

SI PARALYMPICS powerlifter Adeline Dumapong-Ancheta ug Muay Thai Association of the Philippines (MAP) secretary-general Pearl Managuelod ang mga resource speakers sa 2017 Mindanao Peace Games (MPG) Athletes Forum sa Oktubre 27 didto sa 7th floor Finster Hall sa Ateneo de Davao University (Addu) Jacinto Campus.

MPG main convener Noli Ayo, kinsa Addu athletics director, mibutyag niini atol sa Davao Sportswriters Association (DSA) Forum didto sa NCCC Mall Food Cove function hall niadtong Huwebes.

Si Dumapong, kinsa nakabulawang medalya sa 9th Asean Para Games 2017 sa Kuala Lumpur, Malaysia, ang unang Pinay nga nakadaug og bronseng medalya human ang iyang pagduwa sa 2000 Summer Paralympics.

Sila Theresa "Gang" Badoy, founder sa RockEd Philippines, ug Olympian marathoner Mary Joy Tabal ang apil sa ilang mga bisita sa milabay nga edisyon sa MPG gihimo didto sa Cagayan de Oro City ug General Santos City.

Matud ni Ayo, "The MPG's aspiration is that through these role models, young Mindanaoans will embrace more their role as leaders in their schools and communities through what they do in sports."

Ang mga atleta sa di miyembro sa eskuwelahan MPG nga mahimo moapil sa libreng rehistrasyon nga forum.

Ang MPG duna say trivia night, pop-corn and movie night, team captain's leadership forum ug coaches' forum gawas sa duwa.

Ang kalihukan gisuportahan sa One Meralco Foundation, Smart, Discover Leisure Company ug Hawk Bags. (Marizz S. Robilla)

Gipatik sa mantalaang Superbalita Davao Oktubre 07, 2017.

View Comments