UPAT ka duwa ang masaksihan sa pagbalik sa Federation of Parents-Teachers Association (FPTA) Inc. 2nd Inter-School Basketball Tournament karong adlawa didto sa Precious International School of Davao (PISD) Basketball Gym.
Kini ang gipahibawo ni FPTA Region 11 president lawyer Santos Torre¤a sa Davao Sportswriters Association (DSA) Forum didto sa Annex of SM City Davao niadtong Huwebes.
Ang unang magtigi ang hosting school PISD batok Brokenshire College of Davao (BCD), alas 8 sa buntag nga sundan tali sa Ford Academy of the Arts (FAA) ug University of Immaculate Conception (UIC) alas 9:30 a.m., San Pedro College (SPC) ug Assumption College of Davao (ACD) ala 1 sa hapon ug Fr. Justin Russolillo School of Davao (FJRSD) ug Our Lady of Fatima College (OLFA) alas 2:30 sa hapon.
Matud ni Torre¤a nga ang tumong sa torneyo ang pagpromotar sa pagkahiusa ug himsog panglawas alang sa mga miyembro sa Davao Association of Catholic Schools (DACS) nga gisugdan niadtong Nobyembre 11.
"This is the first time that we had a regional-wide tournament because we also wanted to show that the parents are still active in sports," ni Torre¤a diin motapos kini karong umaabot nga Pebrero.
Ang mga tim nga mag-ilog sa titulo mao ang PISD, BCD, FAA, UIC, SPC, ACD, FJRSD ug OLFA, samtang ang ubang tim nga nasulod mao ang Ateneo de Davao University, Southern Philippines Baptist Theological Seminary, Maryknoll College of Panabo, Cor Jesu College of Digos, Holy Cross of Babak, Assumpta School of Tagum ug St. Lorenzo Ruiz Academy, ug mga tims gikan sa Davao del Norte, Compostela Valley Province, Davao del Sur ug Davao Occidental.