DAVAO CITY -- Kanhi world title-contender Noldi Manakane sa Indonesia miabot na dinhi niadtong Huwebes alang sa iyang championship fight batok Filipino boxer Glenn "The Rock" Porras alang sa bakanteng WBC Asia Boxing Council super bantamweight title karong adlawa, alas 6 gabii didto sa University of Mindanao Gym sa Tagum City.
Kauban ni Manakane si Hendry Purnomo alas 1 sa hapon didto sa Davao International Airport.
Sila gisundo ni boxing promoter Engr. Jilson Basang sa MB Northstar Promotions.
"I'm tired from my trip. But I’m ready to fight this Saturday," ni Manakane, kinsa beterano sa 56 away nga 32 daug ug 18 knockouts.
Siya ang kanhi PABA bantamweight, Indonesia Boxing Association (IBA) featherweight, super bantamweight ug super flyweight champion.
Gihagit ni Manakane, si WBA World bantamweight champion Koki Kameda sa Japan niadtong Abril 4, 2012 sa Yokohama apan napakyas siya pinaagi sa unanimous decision.
Nakigkontra sab siya apan pakyas alang sa WBC Asia Pacific super flyweight title pinaagi 6th round knockout kontra Thailand's Suriya Tatakhun sa Nonthaburi sa 2014.
Ang 10-round title fight maoy usa sa upat ka championships sa "The Redemption" boxing promotion sa MB Northstar Boxing Promotions ug ang RATIM Sports Promotion.
Kini ang koordinasyon sa Tagum Cirque of Shooters Inc. ug Maco Golden Valley Eagles Club. (PR)