Betong winner sa Survivor Philippines

Saturday, February 11, 2012

SI ALBERT "Betong" Sumaya ang giilang Ultimate Sole Survivor sa grand finale sa Survivor Philippines Celebrity Doubles Showdown.

Gihimo ang live finale episode sa fourth season sa reality show, February 10, sa Studio 7 sa GMA Network.

Have something to report? Tell us in text, photos or videos.

Human gianunsiyo sa host nga si Richard Gutierrez kun kinsa ang winner, wa kapugong si Betong sa paghilak.

Sila GMA-7 Chairman and CEO Felipe Gozon ug President and COO Gilberto Duavit Jr. ang mihatag sa premyong P3 million kang Betong.

Upat ka boto ang nakuha ni Betong gikan sa pito ka miyembro sa Jury.

Ang miboto kaniya mao sila Maey Bautista, Chuckie Dreyfus, Arthur Solinap, ug KC Montero.

Ikaduha si Mara Yokohama nga nakakuha og duha ka boto—gikan sa Volcanoes players nga sila Arnold Aninion ug John Odulio.

Usa ka boto ang nakuha ni Stef Prescott gikan sa partner niyang si Gino dela Peña.