Tom Cruise ug Katie Holmes nagbulag na!
-A A +ASunday, July 1, 2012
DI lang ang Hollywood nga mga higala ug mga fans ang nakurat sa panagbulag sa power couple nga sila Tom Cruise ug Katie Holmes.
Mismo ang aktor nasorpresa nga i-divorce na siya sa iyang misis human ang lima ka tuig nilang panag-uban.
Matud sa mga tigpamaba ni Cruise, nadawat lang nila ang divorce notice pinaagi sa fax ug sulat.
Gani, naa sa Iceland si Cruise alang sa shooting ug niadtong milabay nga semana gipasigarbo pa niya ang babaeng gipakaslan.
Sa divorce filing, irreconcilable differences ang gihinungdan sa "Dawson's Creek" star nganong gusto niining bulagan si Cruise.
Gilauman nga init ang custody battle sa 6 anyos nga anak sa magtiayon nga si Suri Cruise human gihangyo ni Katie sa korte nga ihatag sa iya ang solong kustodiya sa bata, butang nga sigurado magkontra sila sa "Mission Impossible" star sa korte.
Nangayo sab og child support ang aktres gikan kang Cruise.
Una nga gisulti ni Cruise nga grabe ang iyang pagkaguol sa pakigbulag sa misis ug nakasentro ang atensyon niya karon sa iyang tulo ka mga anak.
Gipatik sa mantalaang SuperBalita Davao Hulyo 02, 2012.
Kalingawan
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
