FPJ gideklarang National Artist sa P-Noy Admin
-A A +ASunday, July 29, 2012
GIHATAG na ni President Benigno "Noynoy" Aquino III ang posthumous National Artist award sa mipanaw nga Hari ng Pelikulang Pilipino nga si Fernando Poe, Jr.
Gipagawas sa Malacanang niadtong Biyernes ang Proclamation No. 435 nga nagkompirma sa pagtudlo kang FPJ isip National Artist for Films niadtong 2006.
"Pursuant to the authority vested in me by law, I Benigno S. Aquino III, President of the Philippines, do hereby confirm the declaration of Ronald Allan K. Poe a.k.a. Fernando Poe Jr. (Posthumous) as National Artist as conferred in Proclamation No. 1069, dated May 23, 2006."
Nadeklara nga National Artist si FPJ niadtong 2006 sa administrasyon ni kanhi Pangulo Glorria Macapagal-Arroyo.
Apan wala kini dawata sa esposa ni FPJ nga si Susan Roces tungod sa
kasuko niya sa kanhi pangulo.
Nahimong hugot nga magkaatbang niadtong 2004 presidential election sila FPJ ug Arroyo, nga kasamtangang congresswoman sa Pampanga.
Dihang milingkod isip pangulo si P-Noy niadtong 2010, nagpahayag ang pamilya ni FPJ nga andam silang dawaton ang National Artist award ilawom sa panggamhanan niini.
Namatay si FPJ, 64, pito ka bulan human ang piliay niadtong 2004 tungod sa "thrombosis with multiple organ failure."
Gipatik sa mantalaang SuperBalita Davao Hulyo 29, 2012.
Kalingawan
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
