9th Davao Mega Travel Sale: Dagkong discounts ug packages
KINSA ba ang nagsulti nga mahal ang pagbiyahe? Kung kaniadto, medyo tagilid gyud sa badget, apan karon daghan nang oportunidad nga kita maka-abot sa atong dream travel destination.
Once again, ang Davao Travel Agencies Association (DTAA) subling mibitbit sa Davao Mega Travel Sale (DMTS) karong Pebrero 16 ngadto 18, 2018 sa Abreeza Ayala Mall activity area.
Sa temang “Let us travel the world,” sa ilang ika-siyam ka tuig, mas daghang exciting ug big travel promos ang gitanyag sa DMTS.
Adunay 50 exhibitors nga gilangkuban sa nagkadaiyang travel agencies, tour operators, airlines, hotels, resorts, ug destination promotion agencies gikan sa lain-laing parte sa nasud ug Southeast Asia ang nga misalmot.
rKahinumdoman nga nagmalampuson ang Davao Mega Travel sa miaging tuig, diin miabot sa 50 milyones ang gikita sa maong kalihukan.
Positibo usab ang tan-aw sa presidente sa DTAA nga si Alexander Divinagracia nga magmalampuson ug hugyaw ang event karong tuiga tungod sa pipila ka adlaw nga mega sale.
Samtang si DTAA external vice president ug PAR Travel and Tours general manager Pia Lourdes Partoza nagkanayon nga dungan sa pag-upgrade sa piniling travel destination sa Davao ug Mindanao, nagtanyag usab sila og daghan pang inilang destinasyon nga kasuruyan.
“Each year, we look at what destinations are starting to be popular. For the Mindanao market, we have put in more destinations around the world because the marketing is leveling, so we are trying to upgrade our services and packages for this year,” dason niini.
Gipanglantawan usab nga mas daghan ang buot mo-explore sa Europe, particular ang Iceland, karong tuiga.
Apan, nagpabilin gihapn ang mga all-time favorite destinations sama sa nasod sa Hong Kong, Japan, Korea, Singapore, Bangkok ug uban pang Asian countries.
Ang DMTS, suma ni Partoza, magsilbing venue nga matapok ang mga major industry players aron ilusad ang bag-ong serbisyo o produkto, maka-establisar sab kini og bag-ong marketing connections.
“With DMTS, people especially those into traveling are given more opportunities to travel this 2018. More affordable fares and tour packages are up for grabs,” matod ni Partoza.
Mga airlines nga apil sa DMTS mao ang AirAsia, Singapore Airlines, Cathay Pacific, Cebu Pacific, Philippine Airlines, Silk Air, ug ang Turkish Airlines nga mao pay pagsalmot.
Itanyag sa travel sale ang air fare discounts nga may travel flight schedules hangtud 2019, land arrangements nga pwede magamit sa tibuok tuig ug organized tour packages sa dili moubos duha ka tawo.
Nakigpartner sab sila sa Pioneer Safe Trip alang sa travel insurance nga kinahanglan sa kliyente.
Lakip usab sa misalmot ang BPI, nga matod pa nagtanyag og “double your credit limit” sa tanang BPI credit card holders nga mogamit sa ilang cards sa pagpalit ug pag-book og flight ticket atol sa travel sale.
Gawas sa international destinations, mamaligya sab ang exhibitors og mga local destinations tour sama sa Mati, Palawan, Cebu ug Bohol. (Rhona Goc-ong-Villariasa/Uban ang report ni Ace June Rell S. Perez)