Editoryal: Gisampolan

Thursday, February 9, 2012

GITINUOD gyud sa bag-ong City Director sa Davao City Police Office nga si Senior Superintendent Ronald dela Rosa nga mohimo og lahugay sa iyang ginsakpan human mi-asumer sa iyang posisyon.

Gisampolan niya ang duha ka mga station commanders sa police station sa Talomo ug San Pedro human gipanghulipan karon lang semanahana.

Have something to report? Tell us in text, photos or videos.

Tumong matud pa ni dela Rosa mao ang pagseguro nga motaas ang level sa performance sa maong mga estasyon.

Si kanhi Investigation and Detective Management Branch chief Police Supt. Antonio Rivera mao na karoy bag-ong hepe sa San Pedro hulip kang Police Chief Inspector Ceazar Cabuhat.

Samtang si kanhi Public Safety Battalion commander Police Superintendent Dionisio Abude usab ang bag-ong hepe sa Talomo hulip kang Police Chief Inspector William Corpuz.

Sayo niini, gipamahayag ni dela Rosa nga di siya gusto nga duna siyay ginsakpan nga talawan ug tapulan.

Unta sa paghulip sa duha ka mga bag-ong hepe dunay makitang kalamboan sa ilang presinto ilabi na gyud sa pagsumpo sa mga kriminalidad sa ilang area of responsibility.

Unta di nila sayangan ang pagsalig nga gihatag kanila ni dela Rosa.