Abais: Moral recovery, sayop nga panawagan

-A A +A

Ni Allan Abais

Super Banat

Tuesday, February 28, 2012


DAGHAN na karon ang nagtinguhang bangunon ang kadungganan sa tawo nga giingong dugay nang naggusbat ug napukan. Mabatian na lang nimo nga diha nay nagpatawag og mga dagkong tigum aron nga iduso ang isyung moralidad alang sa usa ka sosyodad.

Wala tuod kitay makitang sayop niini. Nindot gayud kining paminawon nga daghan na ang nagpakabana karon sa kasamtangang nagakahitabo sa palibot sama sa kanunay'ng pagkalambigit sa atong nasud sa isyung kurapsiyon ug ang paningkamot nga matul-id ang mga batang nalambigit usab sa krimen nga maoy problema karon sa atong lokalidad.

Milihok karon ang nagkadaiyang pundok nga nagpailang tigpakabana lamang sa mga panghitabo bitbit ang giingong solusyon kon paunsa masulbad ug matul-id ang hilabihan na ka hiwi natong sistema matud pa sa panggobyerno.

Bag-o lamang mibisita sa siyudad ang kanhi kongresista sa ikaunom nga distrito sa Manila, Congressman Benny Abante. Gitug-an niya sa Super Banat nga siya kadtong kongresman nga nagduso sa interes ug kadungganan sa mga senior citizen ug nagpasar sa "Senior Citizens Act".

Alang ni Benny kinahanglan kuno nga iduso ang "moral recovery of good governance" sa nasud aron sa ingon maka-abante na kita pagmaayo sa natad sa ekonomiya ug panarbaho.

Ang "moral recovery" dili na bag-o sa atong pandungog. Kanunay na nato kining mabatian kaniadto sa atong mga kapulisan, kasundalohan sa lokal nga panggamhanan ug sa academe. Ang ako lang gikatingad-an kon nganong hangtud karon nanawagan lamang gihapon kita niini? Duna na bay programa nga sama niini kaniadto?

Balikan seguro nato ang kasaysayan, siyempre didto ka mangutana sa atong mga katigulangan kon kasaysayan na atong hisgutan kay sila ang mas naay taas nga kasinatian niini. Aksidenteng nagkita kami ni Lolo Igorot. Usa matud pa siya ka retiradong opisyal sa Army ubos sa Philippine Marines dihang nasaag siya sa among panagtigum sa may Bangkal. Didto wala na maputol ang among komunikasyon.

Sumala ni Lolo Igorot nga sayop kuno ang panawagan nga moral recovery. Nahangangha ako sa dihang sa pagkabati kay usa ra ba usab ako nga naga-adbokasiya niini. Apan sa dihang napasabot, medyo nahigmata sa kamatuoran.

Matud ni Lolo Igorot, moral recovery program sa gobyerno naa na kaniadto pa panahon ni kanhi Presidente Ferdinand Marcos, Corazon Aquino, Fidel Ramos, Joseph Estrada ug Gloria Arroyo ug hangtud karon sa panahon ni P-Noy.

Buot ipasabot nga inay moral recovery ang ipanawagan "Moral Awakening" na lamang matud pa tungod kay eksistido na kining daan ug nahikatulog lamang.

Bisan diha sa mga simbahan, ato usab madungog ang pulong moral recovery. Apan dugay naman kining gitudlo ni Kristo ngadto sa mga Apostoles ug sa nahiunang Iglesia.

Kini usab ang rason kon nganong si Apostol Pablo kinsa katapusang Apostoles sa mga Gentile nanawagan na lamang nga ..."awake thou that sleepest, and arise from the dead, and Christ shall give thee light." (Ephesians 5:14).

Alang nako, ang moral recovery kon pagbangon sa isyung moralidad sa pagkatawo aron nga matul-id manukad diha sa atong tugkaran. Dili ka mahimong epektibo kon pananglit buot nimo kining ipa-apleka sa imong silingan.

Mas labaw nang dili usab epektibo kung magpaabot pa kita kung kinsay atong iduso sa puwesto bitbit ang samang tinguha nga puwede man kining himuon nang daan sulod sa atong panimalay.

Gipatik sa mantalaang SuperBalita Davao Pebrero 29, 2012.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Davao's front page for September 3, 2014
Sun.Star Jobs