Roldan: Itlog batok sa kanser (2)

NAPUGOS ako sa pagsulat og dugang impormasyon sa talagsaong abilidad sa itlog sa pagbatok sa kanser tungod sa kadaghan sa nag-text kanako gikan sa atong mga suki. Nagpakita lamang kini sa kadaghan sa nagbasa sa SuperB sa Davao ug mga probinsiya ug sa kadaghan sa mga tawo nga nagkinahanglan og tabang sa ilang panglawas. Dunay nag-text nga mga guwapa sa ginamosan sa Kapalong Public Market nangutana kung asa makapalit sa maong itlog. May taga Sto. Tomas nga naay kanser, taga Padada nga may chronic kidney disease, may taga Davao nga anaa sa ospital ang inahan kay na-stroke, taga-Mintal nga may kanser ug uban pa.

Daghan sab ang nangutana kung asa mamalit sa tambal, unsang klaseng itlog nga makatambal, unsay brand name sa tambal, unsaon nga makabarato ug unsaon nga makapa-miyembro.

Akong ibalik nga ang "Davidson Extract" o Laminin gikan sa itlog sa manok nga gilumluman sulod sa siyam ka adlaw. Dili ang tanang bahin sa itlog nga gigamit ni Dr. John Davidson niadtong 1929 iyang gikuha ug gihimong tambal kondili ang puti lamang niini. Nasuta sa iyang pagtuon nga sa ika-siyam ka adlaw hinog na ang itlog nga mohimo og kinabuhi kay kompleto na ang 22 ka amino acids nga makagama og protein sa lawas sa pisu sa manok.

Napamatud-an sa bag-ong pagtuon nga aduna kini Fibroblast Growth Factor (FGF) nga makaayo sa mga guba ug nagkagidlay nga parte sa atong lawas.

Sa niaging unom ka tuig, gihimo kining tabletas sa usa ka doktor sa Norway nga iyang gitawag nga Young Tissue Extract (YTE) ug gibaligya sa Europa.

Niadtong 2010, gipalit kini sa usa ka kompaniya sa US gipa-patent isip food supplement nga Laminine ug karon lang Marso 2012 niabot kini sa Pilipinas.

Sukad niini, daghan nang pagpamatuod nga makaayo kini sa mga grabeng balatian sa tawo. Gawas sa akong bayaw nga naayo sa ovarian cancer ug diabetes, anaa poy naayo gikan sa parkinston disease, cervical cancer, breast cancer, filariasis disease ug uban pa.

Bisan mga duha pa lang kini ka bulan sa Davao, naa nay nagpamatuod nga makaayo. Sayang lang nga wa kaabot ang tambal sa akong klasmeyt nga si Atty. Jesusa Ungab sa Padada, Davao del Sur. Plano unta nako siyang dalhan og Laminine sa buntag kagahapon apan sa kaadlawon pa lang gi-text na ako sa akong laing klasmeyt nga si Roy Soriano nga namatay na siya.

Lahi kini sa ubang food supplements kay motumbok kini sa stem cells nga may daut ug ayuhon o palagsikon.

Dugang pakisayod sa 0921-5223652.

Pahisubo

Among pahisubo sa pamilya ni Atty. Jesusa "Bebette" Ungab nga namatay sa kaadlawon sa Sabado sa sakit nga breast cancer. Na-diagnose siyang Stage 4 cancer mga lima lang ka bulan nga milabay.

Dugang kasubo sa iyang pamilya kay namatay usab ang iyang inahan nga si Ma'am Lolit sa katapusang bulan sa 2011. Siya ang among valedictorian sa Batch 78 sa St. Michael's School of Padada ug kanunay nagauna sa mga kalihukan nga magkatapok ang among batch. Nahimo siyang Clerk of Court sa Regional Trial Court sa Bansalan.