Way holiday sa Davao Light
-A A +AThursday, August 16, 2012
DAVAO CITY - Gipahibalo sa Davao Light ang Power Company nga way holiday sa ilang buhatan aron di madelatar ang pagserbisyo sa ilang mga kustomer.
Ang frontline customer services sa DLPC moserbisyo sa publiko atol sa giproklamang non-working holidays sugod karong adlawa, Agosto 17, 20 ug 21.
Tanang accredited customer service ug bill payment offices sa local electric distribution utility sa Ponciano, Bajada, Panabo, Toril, Sto. Tomas, ug Calinan abli sa parserbisyo sa publiko atol sa holidays.
Ang buhatan sa Davao Light nga nahimutang sa Ponciano, Bajada, ug Panabo sa maong mga adlaw modawat sa bayad gikan sa 7:00 AM hangtud alas 5:00 sa hapon, nga way pahuway sa udto.
Samtang ang Toril, Calinan ug Sto. Tomas nga buhatan, ang schedule abli gikan sa 8:00 sa buntag hangtud 12:00 sa udto, ug ala 1:00 sa hapon hangtud alas 3:30 sa hapon.
Ang Ponciano ug Panabo customer service offices moalagad sa ilang mga kustomer gikan sa alas 8:00 sa buntag hangtud 5:00 sa hapon nga way pahuway sa udto.
Ang Panabo branch ug accredited nga collection offices sa Sto. Tomas, Davao del Norte, sa laing bahin, normal ang operation karong Agosto 17 atol sa Kadayawan Festival, sanglit di sila apil sa deklarasyon sa holiday.
Ang emergency service magpabiling bukas sud sa 24 oras pinaagi sa 229-DLPC (3572). Ang regular office hours mobalik karong Agosto 22. (PR)
Gipatik sa mantalaang SuperBalita Davao Agosto 17, 2012.
Opinyon
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
