Genoguin: Sibilyan nga gahum labaw sa AFP ug PNP

NAHIMO nang reglamento sa Police Organization duha lang ka tuig sa iyang posisyon nga mahimong City Police Director o Provincial Police Director dayon i-full out ug ibalhin na usab sa laing lugar.

Sa Probinsiya sa Davao Oriental, natapos na ang duha ka tuig nga termino ni Sr. Supt. Perpito Macion isip provincial director. Ang balaod sa pagpili kon kinsa ang mosunod nga police director, kon sa siyudad - lima ka aplikante, kon probinsiya - tulo ka aplikante, tapos ipasa kini ngadto sa Senior Officer Promotion and Placement Board sa Camp Crame sa Quezon City.

Kon gikan sa laing lugar ang aplikante, puwedeng moderetso pag-aplay sa Kampo Crame. Kon dinhi lang sa maong rehiyon, regional director sa PNP mao ang magrekomenda kanila didto sa Senior Officer Promotion and Placement Board.

Kon nahan-ay na ang mga pangalan sa aplikante, ihatag na sa Mayor kon sa siyudad, Governor kon sa probinsiya, ug sila na ang magpili kon kinsa ang ilang gusto nga mahimong city o provincial director sa mosunod nga duha tuig. Puwede sab dili makaabot sa ilang termino i-full out sa Mayor o Governor kon wala makauyon sa ilang performance.

Panahon sa Martial Law, walay pakialam ang mga Local Chief Executive kon kinsay city o provincial director sa ilang siyudad o probinsiya.

Karon, sibilyan nga gahum labaw sa militar ug kapulisan. Sa Davao Oriental, tulo ang aplikante nga mopuli kang Sr. Supt. Perpetou Macion.

Sila Sr. Supt. Julito Diray, Sr. Supt. Romel Mitra, ug Sr. Supt. Restituto Gatera.

Wala pay formal nga turnover, pero duna nay nagpapadrino ug congressman sa maong probinsiya para lang siya ang mahimong provincial director.

Natingala sab ko sa Kampo Catitipan nganong dalidalion pag-install si Sr. Supt. Romel Mitra nga officer-in-charge kon OIC nga hapit naman kuno ang turn over sa sunod semana?

Ang akong kasaligang informant nagsulti nga wala pa gani daw makita sa Halangdong Gobernador Corazon Malanyaon ang ubang aplikante. Pero, nganong dalidalion man pagpalingkod ang usa ka aplikante? Bahala nag OIC. Duna kahay nagpaluyo niini?

Dapat respetuhon ang ang katungod ug disisyon sa gobernador kon kinsa ang iyang personal choice. Kay sa atong local government code kun Republic Act 7160, ang local chief executive, dunay responsibilidad sa peace and order sa iyang siyudad o lalawigan.

Akong ipaabot ang pagtimbaya sa buotan nga gobernadora, Cora Malanyaon sa Davao Oriental nga magsaulog sa iyang adlaw nga natawhan karong Miyerkules. Advance Happy Birthday, Governor!

Paminawa ang "KONTRA BALANSE' sa dxKT 1071 Khz 7-9 a.m. Lunes hangtud sa Sabado ug ang RPN Visayas Mindanao Koneksiyon.