Roldan: Pork barrel isyu sa naghitak nga kurapsyon

-A A +A

Ni Emmanuel C. Roldan

Nota Bene

Monday, August 26, 2013


NAGMALAMPUSON ang 1 Million March batok sa pork barrel o Priority Development Assistance Fund kagahapon. Imbis magtapok ang tawo sa pagsaulog sa National Heroes' Day, nagpunsisok ang kadaghanan sa protesta sa pagbasura sa pork barrel.

Nag-ingon ang mga taga-media nga niadtong 1986 nahimo ang EDSA 1 People's Power Revolution tungod sa panawagan sa radyo.

Ang EDSA 2 nahitabo tungod kuno sa text brigade ug karon ang protesta sa pork barrel nga nahitabo pinaagi sa social media ug internet. Hasta ang Catholic Bishop's Conference of the Philippines nanawagan na nga moapil sa maong protesta.

Advertisement

Pareha kini sa panawagan ni kanhing Cardinal Sin nga iyang gi-anunsyo sa Radio Veritas sa wa pa kini gibombahan sa puwersa ni General Fabian Ver ni Marcos.

Kung atong lantawon, kini na yata ang pinaka-abante nga protesta sa atong kasaysayan tungod kay hasta pictures ug video sa panghitabo puwede nang ma-upload ug ma-download ug ma-aksiyunan dayon bisan asang lugar sa kalibutan.

Apan unsa kaha ang mahimong resulta niining maong protesta? Matud pa sa mga lider sa protesta, gusto nilang ihunong na ang pork barrel sa mga senador nga tag P200 milyones ug tag P70 milyones matag tuig sa mga kongresista.

Hasta kuno ang P400 milyones nga discretionary funds ni PNoy kay napuno kini sa anomaliya kay siya ra ang magbuot kung unsaon paggamit. Aron sa pagpahinay sa epekto sa protesta nag-anunsyo si PNoy sa Malacanang nga iyang hunungon ang pork barrel ug ibalik na kini sa line items sa matag ahensiya aron sayon pag-monitor kaysa moadto kini sa mga magbabalaod nga hastang lisura i-monitor mao nga nakalusot ang maanomaliya nga transaksiyon ni Napoles.

Gigamit pa niya ang mga peke nga NGOs aron maoy agian sa kuwarta gikan sa pork barrel. Kaluoy sa mga tinuod nga NGOs nga nagkamuritsing sa pagserbisyo sa katawhan sa gagmay kaayo nga donasyon kay naduhigan sa maong anomaliya ang ilang pangalan.

Apan nangutana si Senate President Franklin Drilon nga nisuporta usab sa pagtangtang sa pork barrel nga kung kuhaon na ang pork barrel, kinsa na daw magpundo sa mga tambal sa Lingap, mga pagpaayo sa eskuwelahan og health centers? Kinsa pod daw magbuot kung asa gamita ang pundo kung walay mga kongresista ug senador nga magbuot niini? Dugang pa niya nga dili daw ang pundo ang problema dinhi kon dili kurakot nga gibuhat sa pipila ka mga magbabalaod.

Medyo may punto sab siya tungod kay ang kurapsyon man god ang puntirya dinhi ug usa lang niini ang pork barrel.

Apan kahibalo si Drilon nga ang corruption (C) mopatim-aw lamang kung kusog ang attraction (A), rationalization (R) o pag-justify sa gibuhat bisan kung dautan, ug occasion (O). Mao nga ang formula niini kay C=ARO. Ang dakong lump sum sa pork barrel mao ang okasyon nga mahitabo ang kurapsyon samtang ang sistema nga makalusot sila kay hinay ang atong sistema sa hustisya maong nakadugang sa attraction.

Gidugangan pa kini sa pagtuo nga nakatabang sa katawhan ang pork barrel nga nahimong rationalization sama sa giingon ni Drilon nga makahatag kini'g tambal ug eskuwelahan sa katawhan.

Gipatik sa mantalaang SuperBalita Davao Agosto 27, 2013.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Davao front page for October 22, 2014
Sun.Star Jobs
  • tell it to sunstar
  • Calamity Report
  • Pnoy
  • Habemus Papam
  • Sun.Star Zup!
  • Technology
  • ePaper
  • Sunstar Multimedia
  • Festivals
  • Sinulog
  • SunStar Celebrity
  • goodearth
  • Philippine Polls
  • Filipino Abroad
  • Obituary
  • Pacman blog