Editoryal: Krisis sa Zamboanga

-A A +A

Thursday, September 12, 2013


SAMTANG nagkadugay ang krisis sa siyudad sa Zamboanga, nagkalisud ang kahimtang sa mga molupyo tungod sa pagkaangin sa giyera tali sa tropa sa kagamhanan ug sa Moro National Liberation Front (MNLF)-Nur Misuari faction.

Dili lang sa panginabuhian, apan sa ila sab nga inadlaw-adlaw nga gimbuhaton ilabi na gyud sa pagtungha sa mga kabataan kon diin suspendido gihapon hangtud ning panahona ang klase. Lisud og pa-eskuwelahon ang mga bata samtang nagpinusilay sa pipila ka mga barangay sa maong siyudad.

Gawas pa niini, nag-ungaw sa peligro ang kinabuhi sa mga molupyo kay ang bala way gipili. Mahimong mapagan ang bisan kinsa bisan og di ka sundalo o rebelde. Gani, usa ka kagawad niadtong milabay nga adlaw napatay human nga naalaan nga usa ka sakop sa MNLF.

Nameligro sab ang kinabuhi sa mga molupyo nga gihimong bihag karon sa mga rebelde sa nagpadayong standoff.

Daghan sab ang namakwit sa kabalaka nga mapagan sa kombati.

Si Misuari naila nang "tiggubot" sa Zamboanga. Di lang kini maoy unang higayon nga grupo ni Misuari nanghasi sa siyudad tungod kay wa gitagad sa kagamhanan ang ilang yangongo.

Napriso na si Misuari tungod sa kasong rebellion tungod sa pagpanghasi sa mao gihapong siyudad ug sa Sulu kon diin kapin sa 100 ka mga tawo ang namatay.

Apan nahimo siyang gawasnon human nga gibasura sa hukmanan ang iyang kaso niadtong 2008.

Gihimo siyang pinaka-unang gobernador sa gimugna nga Autonomous Region in Muslim Mindanao (Armm) ug tsirman sa Southern Philippines Development Authority (SPDA) sa tinguha nga mapalambo ang pamuyo sa katawhan sa maong rehiyon.

Apan nasayran nga ang pundo sa maong rehiyon giwaldas lang diay ug wala makab-ot ang gitinguha sa kagamhanan.

Ning bag-o, mideklara na sab si Misuari og mga lugar nga apil sa himuon niyang Bangsamoro Republik.

Angay pa ba kaha siyang saligan ning higayona? Di ba kaha sa kaugalingong interes lang ang maong tinguha?

Katawhan kamo na ang maghukom!

Gipatik sa mantalaang SuperBalita Davao Septembre 13, 2013.

Opinyon

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
2013 Bar results out

FOREX: US$ 1.00 = PhP 44.420

Bangko Sentral ng Pilipinas

Philippine Lotto Results

Gamesort iconCombinations
6Digit7-2-0-8-1-6
Swertres Lotto 11AM8-9-8
Swertres Lotto 4PM4-5-2
Swertres Lotto 9PM6-0-7
EZ2 Lotto 9PM04-02

Today's front page

Sun.Star SuperBalita Davao front page for April 17, 2014
Sun.Star Jobs
  • SunStar Celebrity
  • Filipino Abroad
  • Habemus Papam
  • Obituary
  • Sun.Star Zup!
  • Sunstar Multimedia
  • Sinulog
  • Technology
  • Festivals
  • ePaper
  • Philippine Polls
  • Pacman blog
  • goodearth
  • tell it to sunstar
  • Calamity Report
  • Pnoy