KUMUSTA kamo, mga higala, ning adlaw nga Martes? Grabe, dulot man gyud sa panit ang kainit! Busa, mag-amping gyud kita ning panahon sa summer.
Sumpayan nato paghisgot, mga higala, ang atong topiko kagahapon sa pagbalik ni Jessica 'Gegi' Reyes gikan sa laing nasud.
Si Reyes nalambigit sa kontrobersiya labot sa multi-billion peso "pork barrel" scandal.
Sa pagbalik niini, giingon nga siya ang moutingkay ug mosulti sa mga tawo kung giunsa nila pagdawat ang salapi gikan sa mga pekeng Non-government Organizations (NGOs) ni Pork barrel Queen Janet-Lim Napoles.
Mao sab kini ang gusto nga mahitabo ni Senador Meriam Defensor-Santiago.
Giseguro sab karon sa MalacaƱang nga himuon ang tanan sa gobyerno aron mapauli gikan sa laing nasud ang ubang tawo nga nalambigit sa pork barrel scandal.
Gani, gisulti ni Communications Sec. Herminio Coloma Jr. nga himuon sa ehekutibo ang tanan nga gikinahanglan aron manubag ang mga tawo nga nalambigit kurapsyon.
Nasayran nga sila kanhi presidential social secretary Ruby Tuazon, Sen. Ramon Bong Revilla ug Sen. Jinggoy Estrada atua sa gawas sa nasud, ug gisegurong mapauli sila aron manubag alegasyon ni Reyes.
Mga higala, ania ang pamahayag atong mga nahinabi:
Key
"Jessica Reyes has a pivotal role in determining certain aspects of the PDAF scandal. It really would depend on how she would cooperate." Hon Leo Avila III, Councilor, 1st District, Davao City
Daghan ang mabulgar
"Ipangsulti gyud niya iyang mga nasayran aron manubag ning mga senador nga naapil sa maong eskandalo. Di lang mga senador, apil na kining mga Congressmen, puwera sa uban, nga nagdagko lang ang bulsa sa sigeng pangurakot." Paulino T. Pacis, payong-payong driver, Bankerohan, Davao City
Manghunaw
"Hindi siya matakot na sabihin kung sino yung mga nadadawit sa PDAF scam. Siguraduhin lang niya na may mga katibayan siya, kasi napakagaling mag-deny itong mga politiko natin." Mercy S. Galos, Housewife, Barangay 22-C, Davao City