(Pasiuna: Kini ang atong apas-sumpay sa suliran nga gipadangat kanato ni Pedro of Lanang mahitungod sa iyang pagpangita ug posisyon sa kama alang sa iyang sitwasiyon.)
DEAR Pedro of Lanang,
Ania na kita sa pagpadayon sa pagtuki sa imong sitwasiyon. Sa niagi atong gituki nga ang kadak-on sa kinatawo sa usa ka lalaki - dili gayud kini angay nga ikabalaka - tungod kay dili kini ang basehanan nga mas malipay si misis.
Apan aduna gayud usab mga babaye nga gusto nga dako-dako unta - susama sa imong misis - tungod lagi kay naay mga babaye nga mas matagbaw sila kung bation nila nga daw mapuno ang ilang kinatawo sa panahon sa pagpakighilawas.
Mao nga sa maong sitwasiyon, ginasugyot ang operasyon sa kinatawo aron nga modako si manoy.
Apan wala nagapasabot nga gikinahanglan na gayud buhaton kining operasyon tungod kay adunay mga mamahimo pa nimo nga mabuhat nga dili gikinahanglan og dakong sapi.
Ug ensakto ang imong nahunahunaan nga pagpangita og maayong posisyon diha sa pagpakighilawas alang sa imong sitwasiyon.
Ang maayo niini, Pedro, kay anaa gayuy mga posisyon nga makatabang kaninyong magtiayon. Ang gikinahanglan lamang niini ninyo mao ang ensakto nga pagtuon.
Eksperimerentohi lamang og unsa ang mga mohaum kaninyong duha.
1. Alibangbang nga posisyon
Unsaon man kini paghimo? Pahigdaa sa kama o sa lamesa si misis ug sudla kini siya samtang nagatindog ka. Ang nibel sa imong bugan gikinahanglan nga gamay nga mas naa sa taas kaysa sa nibel sa bugan ni misis - mao nga pangita gayud og butang nga makapa-ensakto kaninyo niining gikinahanglan nga sitwasiyon.
Pagyuko o pag-squat sa imong pagsulod kang misis. Usa-usaha og alsa ang mga paa ni misis ug ipasal-ay ang iyang mga kiting sa imong mga bukton. Ang mga bat-ang ni misis gikinahanglan nga molihok pataas pipila ka pulgada diha sa hangin.
Tabangi si misis niini pinaagi sa pagsuporta nimo sa iyang lubot ug bat-ang sa imong mga kamot.
Aron mas hugot-hugot ang kahaum diha sa inyong pagpakighilawas, mamahimo nga gunitan nimo ang duha ka mga kiting ni misis sa imong mga kamot. Mamahimo usab nga mogamit ka og unlan ilawom sa bat-ang ni misis aron mas maayo ang anggulo sa inyong mga lawas.
Apan tungod kay taas-taas pa gihapon ang atong pagahisgutan mahitungod niining imong sitwasiyon, tugoti na usab ako nga ato kini nga padayunon kini nato ug pagtuki sa mga sunod nga edisyon niining atong patik. Hangtud na usab sa sunod!
Dr. Fritz
(Si Dr. Fritz Legarde Espedilla usa ka aesthetic dermatologist/surgeon ug clinical sexologist. Aduna usab siyay kahibalo ug training sa hypnotherapy ug sa Medical Acupuncture. Usa usab siya ka personalidad sa radyo nga sobra na sa dekada nga nagadagan sa kahanginan ug autor sa iyang libro nga "Healthy is Sexy Secrets ni Dr. Fritz". Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o Sunstar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)