HELLO, mga kumare ug kumpare! Daw pina-Emilia Ardiente atong pagtimbaya kaninyo aron dili pod kaayo ta ulahi sa uso. Bitaw, how are you? Unta bisan nagaagi man kita'g daghang pagsulay dili ta makalimot motawag sa Kahitas-an aron makalahutay.
Makaluya gayud ning mga balita sa mga bata ug batan-on nga nagahikog tungod sa depresyon, bah! Daghan gayud kaayong ginaagian ang atong mga kabataan mao wake-up call kini sa atong mga ginikanan nga magpakabana sa kinabuhi sa atong mga kaanakan.
Dili gayud kita mokompiyansa kay kasagaran baya sa mga teenager daghang mga sekretong ginabuhat, migo. Dear parents, dili na nato hulaton nga masulod na sila sa lungon una pa kita mohatag kanila og sakto nga pagtagad ug panahon. Anyway, hisgutan nato kini sa sunod nga higayon kay aduna koy laing gikapungutan nga hisgutan, igsuon.
Kaning klaro man seguro sa atong mga lider sa simbahan ang ilang katungdanan ug responsibilidad sa katilingban. Ako kining seryusong mensahe sa "UBAN" nga mga kaparian, obispo o sa bisan unsang pundok nga nagapalambo "KUNO" sa atong pagtuo o espirituwal nga aspeto. Usbon ko, "sa uban" meaning- DILI TANAN! Klaro???
Makapungot lang huna-hunaon nga sa kadaghang problema nga ginaatubang sa atong nasud adunay mga pipila nga lider sa pagtuo ug politika ang nagagamit sa simbahan aron iduso ang mga personal nga tinguha nila. Kana ganing mag-"prayer vigil" or "prayer rally" kuno aron mokuha'g simpatiya sa publiko.
Sama nako nga yanong tawo, moadto ko'g simbahan aron mahayagan, mangaliya ug mag-ampo dili aron mosalmot sa kalihukan aron ang atong presidente sa nasud mapagan. Klaro?
Makalagot alang nako nga makakita'g mga obispo, kaparian ug bisan kinsang lider sa unsang dinominasyon o tinuohan nga mohisgut, manawagan o magwara-wara sa kadalanan aron mosalmot sa politika ug magamit sa mga politiko sa pamolitika.
Tinuod daghang isyu ang nakakabit sa atong kasamtangang pangulo. Kusog pod si presidente Digong "mamakyu" o mamalikas ug ang iyang style sa liderato mora'g pinadasdas ug puno sa "angas" apan siya man ang atong presidente nga giboto ug ningdaug og klaro sa eleksiyon, pre.
Wala ko nag-ingon nga magpa-itoy o magtandu-tando na lamang kita sa mga pamaagi ni presidente kay nasayud ako nga aduna pod siyay mga mali APAN siya ang atong presidente sa kasamtangan mao atong respetohan ang kabubut-on sa katawhan ug sa Kalangitan.
Mas maalamon gayud ang simbahan (kay pulong baya sa Bibliya ang ilang kinaon matag-adlaw) nga ang liderato sa nasud dili lamang pagbuot sa tawo APAN SA GINOO MISMO! Dili "fake" ang kabubut-on sa Diyos!!!!
Ang Roma 13:12 nagkanayon nga ang matag tawo kinahanglan magpasakop sa governing authorities o mga awtoridad sa pagdumala kay ang matag- awtoridad giestablisar mismo sa Diyos ug walay lain tuburan gawas niini, ug ang nagpahimutang niini mao ang Diyos. Busa ang mosupak sa awtoridad supak sa ordinansa sa Diyos; ug sila nga misupak makadawat sa paghukom sa ilang mga kaugalingon. (SUMPAYAN)