Dominggo Hulyo 2, 2006

Pari sa Sugbo pedophile?
Dennes R. Tabar

Ang altar boy nga giingong biktima sa pagmolestya sa usa ka paring Sugboanon nikreklamo kon nganong nagserbisyo pa siya ug nahimo pang tinahod dinhi hangtod karon.

Ang pari gipasanginlan nga nakigdug sa altar boy dihang siya nadestino pa didto sa Estados Unidos niadtong dekada 80.

Sa dakong kahibung sa iyang giingong kanhi biktima, ang pari nagpadayon pa sa pagserbisyo ug nag-alagad pa sa mga kalihukan sa simbahan dinhi.

Ang giingong hitabo nadokumento sa usa ka website sa Internet.

Matod sa usa online nga taho sa Internet, ang altar boy, nga nireklamo apan wa na mopadayon kay giingong gibayran na, nga nakugang siya kon nganong gitugtan sa Archdiocese sa Sugbo sa pag-alagad ang pari.

“I never thought he would continue that charade,” matod sa kanhi altar boy, kinsa hingkod na karon sa usa ka interview sa usa ka mantalaan didto sa Estados Unidos.

Ang ngan sa pari, website ug lugar diin kini mahitabo gipugngan sa Sun.Star Superbalita.

Ang taho nagkanayon nga usa ka madre nga nag-alagad sa usa ka parokya sa Estados Unidos ang nakapalag sa pari nga nakigdug sa altar boy sa sud sa rectory usa ka buntag sa Dominggo.

Human mabulgar ang taho, ang pari nipauli dinhi sa Sugbo.

Apan bisan pa sa pahimangno sa iyang religious order nga di na siya paalagaron sa simbahan sa mga kalihukan sa mga batan-on, gitugtan gihapon siya ni Arsobispo Ricardo Cardinal Vidal.
(please insert reaction of Msgr. Dakay)

Ang taho nagkanayon nga ang complainant gibayran human siya mopasakag reklamo sa korte.

Apan ang abogado sa religious order, diin nahisakop ang pari, nanalipod sa lakang sa simbahan dinhi sa Sugbo.

“I don’t think they (Filipino Catholic leaders) have the same standards or concerns we do,” matod sa abogado nga gikutlo sa usa ka local nga mantalaan didto sa Estados Unidos.

Ang pari gi-expel sa religious order human sa mao nga hitabo.

Sa interview sa mao nga mantalaan sa miaging tuig, ang pari nipasangil hinuon nga siya ang giabusohan ug niangkon nga nakig-sex sa altar boy nga teenagers pa niadtong higayuna.

Matod niya nga di lang kay siya “seduced me, he also raped me,” ug gihulga pa siyang pasanginlan nga nangabuso kaniya (altar boy).

Ang pari niingon nga wa siyay nahimo sa alegasyon batok kaniya tungod kay wa may nituo kaniya.

Mga opisyal sa religious order nagkanayon nga ang ilang records wa magkita nganong wa sila mohangyo sa Vatican nga hukasan ang mao nga pari.

Wa sab gi-record sa kapulisan ang gisumbong sa pari tungod kay nibiya na ang pari sa Estados Unidos samtang ang mga ginikanan sa altar boy niingon nga ang ilang anak wa mohatag og detalye sa hitabo. (REV)

(Hulyo 2, 2006 isyu)

Sunod nga balita: Nagpasalidag law-ay, gironda