 |
Lunes, Septiyembre 1, 2008 |
Talk to Papa Joe: Possessive
Dear Papa Joe,
Ako si Richard, 40, taga diri ra sa Sugbo. Buwag ko sa akong kapuyo ug naa koy mga anak. Karon naa koy kaipon nga kanhi hinigugma nako sa una. Dugaydugay na gyud mi nagpuyo pero mao lang gihapon ang among kahimtang ug sitwasyon. Tanan nakong atensyon ako gihatag niya.
Pobre man tuod ko pero naningkamot ko nga muasenso. Medyo wala na gani koy pagtagad sa akong mga anak kay akong gitutok sa akong kapuyo kay grabe man gud ni siya ka selosa nga hapit motan-aw nako mababaye man o lalake iyang selosan.
Akong gibuhian halos tanan para niya. Dili na gani ko kakupot og cell phone kay masuko.Pero karon niulbo na akong kaspa kay ako siyang mabantayan nga magsige og estorya sa cell phone nga magtagotago. Human kon moduol ko, iyang pagngon. Kadaghan na gyud ni niya gibuhat hangtod nga niabot ang panahon nga nadapatan nako siya kay ngano? Iya naman sad gibuhat nga nisibat. Abi niya nakatulog ko dayon cellbabad. Akong giduol pero iya na sad gipalong. Akong gikuha ang cell phone pero iyang gilikay. Maong sa kalagot nga maorag naa siyay gitaguan, ako siyang natamparos.
Mao nga tungod kay naglagot ko, nagtinir nasad kog cellphone ron kay akong tan awon ang iyang reaksyon. Pero tan-aw nako possessive lang gihapon siya. Dili siya gusto nga makig-amigo ko bisan sa akong mga ig-agaw o igsuon nga mga laki kay basin mang chicks lang kuno. Papa Joe, sakto ba ni akong gisudlan karon? Angay bako magsunod kaniya hangtod sa hangtod? Papa Joe, tambagi ko.
RICHARD
Richard ,
Maayong adlaw diha nimo. Kini imong problema normal ra ni. Mao niy gitawag nga under de saya ka. Ang nakalisod dili mo minyo so dali kaayo ang tentasyon sa hugaw og huna- huna pagsulod tunga sa inyong relasyon. Maybe naay mga factor ngano ingon ana siya. One is ang dili ninyo pagkaminyo nga wala sad maghatag kaniya ug siguridad mao nga she wants to remind you to let her feel secure.
The other one kay “batasan” ug mao nay pait diha kon mao nay hiningdan kay mangkwentas kag bukog, labi na nga gikuhaan naka halos tanan nga angay para nimo. You deserve to be happy. Dagko na mo nagkita anang bayhana ug isugal lang nimo ang imong ugma tungod niya?Ingon ka wala naka gani maayong atensyon sa imong mga anak.
Basin sa katapusan usa na sa imong pagamahayan nga wala nimo tutuki imong mga anak labi na unya usa kanila babaye. Kon mao nay magpermi, basin matiguwang kang wala nay mga paryente nga moduol nimo tungod kay nagpalayo na tungod anang bayhana. Timbangtimbanga kon kaya ba nimo puy-an ang batasan nga possessive. Daghang salamat.
RICHARD
(Septiyembre 1, 2008 isyu)
Sunod nga balita:Kon ikaw ang pahukmon: Ang iresponsable
