 |
Lunes, Septiyembre 1, 2008 |
Kon ikaw ang pahukmon: Ang iresponsable
KINING mao nga estoriya base sa kaso nga giapelar ngadto sa Supreme Court nga giduso sa akusado ug nahukman na. Gipresentar dinhi ang duha ka mga habig, sa prosekusiyon ug depensa, nga maoy gibasehan sa hukom sa Labing Taas nga Hukmanan. Ikaw nga nagbasa giawhag sa pagpadangat sa imong panahom sa kaso, kon ikaw ang pahukmon niini. Sa imong tubag, pinaagi ba sa mail o e-mail, ibutang ang imong kompletong ngan ug address.
Ayaw paggamit og codename kay ma-disqualify ang imong entry. Kon mogamit ka man og codename aron mao lay ipatik, ilakip ang imong kompletong ngan ug address.
Among ipatik ang inyong mga tubag uban sa inyong mga ngan. Ang imong tampo ipadangat lang sa Kon Ikaw ang Pahukmon, Sun.Star Superbalita, P. Del Rosario St. Cebu City. Mahimo sab kini i-e-mail sa rrm@sunstar.com.ph o kulas@sunstar.com.ph. Kadtong tubag nga sakto ug maayong pagkahan-ay, dunay madawat nga cash isip ganti. Pagdala lang kamo og ID sa inyong pag-claim sa premyo atol sa oras tingtrabaho, gikan sa alas 9am-5pm, Lunes ngadto sa Biyernes.-EDITOR
SI Boy dunay bisyo. Nagumon siya sa drugas ug grabe kaayo manugal. Wa gyud siyay pagtagad sa iyang pamilya. Dunay mga adlaw nga di gani siya mopauli sa ilang balay kay toa nagyampungad sa sugalan.
Duna silay duha ka mga anak sa iyang asawa. Sa iyang pag-abot usa niana ka adlaw, nag-inusara lang ang iyang anak nga nag-atiman sa iyang manghod. Nakatug ang iyang anak nga si Inday, 12 anyos na niadtong higayona. Maoy naabtan ni Boy nga nangatug ang iyang duha ka mga anak sa ilang lawak. Nahigmata si Inday sa pag-abot sa iyang amahan.
Iya ning nakit-ang nikugos sa iyang manghod nga gibalhin pagpakatug sa sawog. Pagkahuman, nidug kaniya ang iyang amahan sa pagkatug ug gisultihan siyang di maglangas. Gihukasan siya sa iyang senina ug gihagkan, dayon gihinol ang iyang duha ka mga dughan. Pagkahuman, giangkon ang iyang pagkababaye. Nahitabo kini sud sa 10 minutos. Bisan kon wa siya hulgaa, wa siyay bisan usa nga gisultihan.
Matod ni Inday, gi-rape siya sud sa walo ka higayon sa iyang amahan, gikan sa Enero ngadto sa Disyembre 1998 sud sa ilang balay. Wa siya mosulti sa iyang inahan sa hitabo.
Ang ikatulong rape nga iyang natiman-an nahitabo niadtong Abril 1999 dihang nagtrabaho ang iyang inahan.
Tulo ka mga kasong rape ang gipasaka batok sa akusado.
Si Boy nanghimakak sa mga alegasyon sa yang anak. Matod niya nga sagad wa siya sa ilang balay ug mopauli lang paglabay sa upat ka mga adlaw kay nagumon siya sa drugas ug sugal. Sagad mopauli siya sa ilang balay kon ang iyang asawa motrabaho na aron paglikay sa away. Nianang higayuna, toa na sab si Inday sa tunghaan.
Siya niangkon nga nasulod siya sa rehabilitation center.
Nagpadayon siya sa paggamit og drugas dihang siya nakagawas. Matod niya nga nibiya siya sa balay niadtong Enero 1999 ug nagpuyo sa Pasig. Iyang gikawat ang awto sa iyang asawa ug gihulga siya niini nga kon di niya iuli ang awto, ikiha siya. Nipauli siya sa ilang balay nga wa diha ang iyang pamilya. Didto, iyang gipamaligya ang ilang mga butang aron ipalit og shabu.
Di kaha posible nga gikiha si Boy og rape aron makabawos ang iyang asawa sa iyang gibuhat? O kaha aron di na gyud makagawas sa bilanggoan ug mamahimo nang dakong suliran? O sad-an ba gyud kaha siya sa kasong rape nga gipasaka batok kaniya?
(Septiyembre 1, 2008 isyu)
