 |
Lunes, Septiyembre 1, 2008 |
RP Youth sud sa quarterfinals
MIABANTE sa quarterfinals round ang Pilipinas sa FIBA-Asia Youth Basketball Championships human nila ilubong ang United Arab Emirates, 73-54, didto sa Azadi Stadium sa Tehran.
Si Samuel Marata mipuga og 16 puntos, midugang si Gabriel Banal og 10 ug ang RP Youngsters sayong mibingat sa ilang labaw sa first quarter.
Ang Nationals mitapos sa group stages nga may 2-1 record. Ang bugtong nilang kapildihan nga ilang naangkon batok sa Lebanon, 87-84, tungod sa three-point shot sa kata-pusang segundo.
“They played decently and stuck to our plans and strategies with more focus and concentration this time,” matod ni RP coach Franz Pumaren.
“When I saw Lebanon win, I instructed them [RP Youth team] to give it just the right amount of effort to get the win because they will have a big game against Korea,” padayag ni Pumaren.
Gipildi sa Filipinos ang Chinese-Taipei 95-80 sa ilang unang duwa. Kauban sa Philippines sa bracket mao ang Japan, Korea ug host Iran. Ang Lebanon, China, Kazakhstan ug Syria atoa sa laing grupo.
(Septiyembre 1, 2008 isyu)
