 |
Dominggo, Nobiyembre 2, 2008 |
Editoryal: Kumusta na si Tomas?
HUMAN naundang ang mga update sa kahimtang sa panglawas ni Mayor Tomas Osmeña, kalit niguwa kining balita nga mobalik siya karong Nobiyembre 7, 2008 aron mohatag sa iyang State of the City Address.
Sa unang pagtan-aw, daw pruweba kini nga maayo ra ang kahimtang sa mayor bisan pa man sa giingong nataptan siya og cancer sa iyang pantog.
Lalim bay mopauli gyud siya aron modiskurso kabahin sa kahimtang sa Syudad sa Sugbo?
Sa laing bahin, makapangutana sab kita nganong mopauli man gyud siya karon?
Unsa may kamahinungdanon niining Nobiyembre 7?
Di man kini charter day sa syudad.
Di sab kini adlaw sa pagsugod sa sesyon sa Konseho.
Nganong mopugos man gyud siya sa pagpauli dinhi sa Pilipinas aron modiskurso karong Nobiyembre 7?
Wa ba kaha kiniy nagpahipi nga hinungdan sama sa pangandam ra sab sa mayor alang sa mas taas nga panahon nga mawala siya kay moagi na kini sa mas seryuso nga mga pagpaalim?
Bisan pa man og moanhi si Mayor Osmeña, di mahuman ang pagpangutana. Kumosta na si Tomas.
.
(Nobiyembre 3, 2008 isyu)
