Miyerkules, Mayo 21, 2008

Billy mo-join sa ASAP!

DI KAHA duna na sa'y mag-asu-aso nga mga ulo karon?

Human nga nabaniog nga si Billy Crawford ang mag-host sa Pinoy Dream Academy season 2, chika nga mamahimo na sab nga kabahin sa ASAP '08 ang Fil-Am International singer.

Si Billy, nagsugod sa 'That's Entertainment' sa Kapuso Channel hangtud nga niadto sa Amerika ug mihimo sa iyang kaugalingong ngalan. Karon, tungod sa desisyon ni Billy nga mahimong Kapamilya, daghan ang ni-react.

Ang ka-imbyerna sa mga people, nisamot pa dihang masayran nga exclusive ang kontrata ni Billy sa ABS-CBN. Pirmahan daw kini sa ulitawo sa iyang pag-anhi sa Pinas.

Gitakdang mouli sa nasud si Billy pila ka adlaw gikan karon ug gilauman nga sa iyang pagbalik, daghan siyang tubagon nga mga isyu lakip na ang giingong pagbalhin niya og loyalty in terms sa gilangkuban nga network.

Usa sa mga tataw nga na-disappoint sa pagbalhin ni Billy sa Kapamilya Channel mao si German Moreno kon Kuya Germs nga mao ang nagmugna sa show nga 'That's Entertainment' nga gisugdan ni Billy sa iyang showbiz career.

(Mayo 21, 2008 isyu)