Biyernes, Hulyo 13, 2007

Josh Hartnett movie, i-shoot sa Diwalwal?

• Nahisgutan na ang sistema sa seguridad alang sa aktor mao ang kasado na ang iyang pag-anhi!
• Korean Star Byung-hun Lee makauban sa movie!

MOANHI sa siyudad sa Davao ang maka-kilig ug fafable nga Hollywood star nga si Josh Hartnett aron nga i-shoot ang movie nga I Come With The Rain sa rehiyon, sumala sa source.

Ang mga Film producers sa nahisgutang pelikula, bag-ohay pa lamang niadto sa Diwalwal aron nga tan-awon ang lugar agi'g pagpangandam sa aktuwal nga pag-film.

Gihan-ay na usab daw ang paagi sa pagbantay sa seguridad sa aktor samtang anaa sa dapit. Sosyal daw karon ang mga molupyo sa dapit tungod kay mokabat 200 ka mga tawo sa lugar ang i-hire as extras!

Si Josh, nga nag-star sa blockbuster films nga sama sa Pearl Harbor, Black Hawk Down, Sin City, ug Hollywood Homicide, mag-play sa usa role sa usa ka detective.

Gani, una na kining gikumpirma ni Barangay Captain Francisco Franco Tito ngadto sa Sun.Star Davao.

Gikaingong malipayon ang mga producers sa location ug nagsaad nga mohimo og tulo ngadto sa upat ka mga movies sa maong dapit.

Ang Vietnamese director Trin Anh Hung (The Vertical Ray of the Sun, The Scent of Green Papaya, ug Cyclo) mao ang mag-direhe sa pelikula uban ang Korean superstar nga si Byung-hun Lee isip bida kauban ni Josh.

(Hulyo 13, 2007 isyu)