Biyernes, Hulyo 20, 2007

Sharon involved sa newscaster?

AMINADO karon ang Megastar Sharon Cuneta nga apektado gayud siya sa mga chika sa showbiz bisan pa man nga moingon ang mga tawo nga anad nang istoryahan ang iyang personal nga kinabuhi.

Say ni Sharon, tinuod nga nahimo nang kabahin sa iyang kinabuhi ang mga intriga ug chika since anaa siya sa showbiz world, apan ang di lamang gayud ma-take ni Shawie mao ang pag-intriga bahin sa iyang pamilya.

Latest nga birada sa pamilya ni Sharon mao ang giingong laboan galore nila sa iyang bana nga si Senador Kiko Pangilinan since nalambigit ang uwahi sa iyang staff.

Human nga gi-deny kini ni Kiko, si Sharon na sad ang gitutokan sa birada. Si Shawie, gilambigit karon kang David Celdran, ang host sa sikat nga quiz show kaniadto nga Battle of the Brains ug karon, usa na ka newscaster sa ABS-CBN News Channel kon ANC.

Si Sharon nakurat sa isyu since unang gilambigit si David kang Kiko aron ipagawas nga dunay bayot sa ilang duha.

Unang nigawas sa blind item kaniadto nga duha ka mag-best friends sa University of the Philippines nga nag-share sa usa ka apartment ang dunay relasyon nga later, gitudlo nga si Kiko ug David. Apan tungod kay way napuga, si Sharon na usab ang gipasipad-an.

Giklaro ni Sharon nga ninong ni Frankie (iyang anak) si David ug happily married si David sa usa ka gwapang babaye.

Say ni Sharon, ang Diyos na ang bahala sa mga tawong way laing tinguha kundi ang pag-guba sa iyang pamilya.

(Hulyo 20, 2007 isyu)