Sabado, Agusto 30, 2008

Away ni Pacquiao ug Oscar sa Disyembre 6

SI Peoples Champion Manny "Pacman" Pacquiao nagmatuod nga dayon na ang ilang sukmagay ni Oscar "Golden boy" de La Hoya karong umaabot nga Diyembre 6, 2008.

Gikompirma ni Pacquiao ang iyang away human nga naplastar na sa iyang coach nga si Fredie Roach ug abogado nga si Atty. Jing Gacal ug sa Golden Boy Promotion ang kontrata niadtong miaging Miyerkules, Agosto 27.

"Tuloy na ang aming laban ngayong December 6 ang schedule pero hindi natuloy ang usapan namin na 30-70, pero di ko na lang sabihin kung magkano ang napagkasundoan sa dalawang grupo, kaya sa ngayon pinaghandaan na ko yang away na yan at malaki ang aking kompiyansa na matatalo ko si De La Hoya, kahit si Oscar sinasabi din niya na kaya niya akong talunin," matud ni Pacman.

Nasayran nga dugay nahukman ang pagtagbo sa duha ka mga banggiitang boksidor sa kalibutan human nga wala magkasinabot ang duha ka mga kampo sa ilang mga presyo.

Ang desisyon sa kampo ni De La Hoya nga atbangan si Pacquiao usa ka maayong desisyon aron masayran ang katakos sa duha.

"Siguro this is the best fight ever happen in my life na kailangan ko ng paghandaan, next week pupunta na ako sa America upang ipagpatuloy ko ang aking training kasi di basta-bastang kontra itong si Oscar," dugang ni Pacman.

Samtang dili pa masulti ni Pacquiao kung iyang tumanon ang hangyo sa iyang ginikanan nga si Dionesia nga moundang na lang sa boksing samtang bata pa inay iyang himoon mao na lang ang pagtutok sa iyang mga negosyo nga anaa sa dakbayan sa General Santos, Davao, Sarangani ug sa Manila.

Hangtod karon nagpadayon sab ang pagtungha ni Manny sa iyang kursong business administration sa Notre Dame of Dadiangas University. (Mel Coronel)

(Agusto 30, 2008 isyu)